Zhodna z novym mižnarodnym daśledavańniem, kali pić małako kožny dzień, heta moža surjozna źnizić ryzyku sardečnych chvarob. Taksama navukoŭcy daviedalisia, što tyja, chto časta pje małako, majuć nižejšy ŭzrovień chalesterynu — rečyva, jakoje moža błakavać arteryi i vyklikać insulty ci infarkty.
Kab atrymać takija rezultaty, daśledčyki vyvučyli infarmacyju pra stan zdaroŭja dvuch miljonaŭ brytancaŭ i amierykancaŭ. Kiraŭnik navukovaj pracy, prafiesar Vimał Karani z anhlijskah Ŭniviersiteta Rydynha, raspavioŭ pra tych z daśledavanych ludziej, chto mieŭ mutacyju, jakaja dazvalaje spažyvać šmat małaka. Hetyja ludzi mieli bolšuju vahu cieła i kolkaść tłušču ŭ arhaniźmie, ale pry hetym uzrovień chalesterynu ŭ ich ciele byŭ nižejšy, piša Daily Mail.
Taksama tyja, chto spažyvaje małako kožny dzień, na 14% mienš schilnyja da sardečnych chvarob. Adpaviedna ludzi z mutacyjaj, nazvanaj vyšej, majuć mienšuju ryzyku raźvićcia išemičnaj chvaroby serca.
Raniej isnavała mierkavańnie, što małočnyja pradukty škodziać zdaroŭju, ale zaraz źjaŭlajecca ŭsio bolš navukovych danych, jakija dakazvajuć, što heta nie tak. Viadoma, što šerah źviazanych z abmienam rečyvaŭ chvarob, naprykład, dyjabiet i atłuščeńnie, majuć suviaź z zanadta vialikim spažyvańniem małaka, ale niama dokazaŭ, što mienavita małako vyklikaje hetyja chvaroby. Bolš za toje, viadoma, što małako dapamahaje zachoŭvać zdaroŭje kaściej i źmiaščaje šmat białka i vitaminaŭ.
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks11
Kamientary