U Mahilovie złodziej abakraŭ piensijanierku, jakaja spała na łaŭcy paśla bara, a potym razbudziŭ jaje i pasadziŭ na taksi
U dziažurnuju słužbu Mahilova źviarnułasia 62-hadovaja miascovaja žycharka, u jakoj skrali juvielirnyja ŭpryhažeńni i hrošy — ahułam na sumu kala 3500 rubloŭ.
Ilustracyjny zdymak. Fota: vecteezy.com
Śledčyja vyśvietlili, što majomaść piensijanierki zabraŭ 42-hadovy mahiloviec.
Akazałasia, što žančyna adpačyvała ź siabroŭkaj u bary, a paśla, viartajučysia dadomu, «prysieła adpačyć na łaŭcy i zasnuła», piša pres-słužba mahiloŭskaj milicyi.
Mužčyna, jaki prachodzić mima, zabraŭ jaje sumku i źniaŭ z žančyny załatyja ŭpryhažeńni.
Potym jon razbudziŭ jaje, davioŭ da prypynku, dzie złaviŭ taksi i paprasiŭ advieźci žančynu dadomu.
Tolki nastupnym rankam taja vyjaviła prapažu rečaŭ na sumu kala 3500 rubloŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova4
Kamientary