Marzaluk pra Navalnaha: Ašaleły ruski šavinist, jaki ideałahična nienavidzić nas, jaki ździekavaŭsia z našaj rodnaj movy
Deputat i historyk Ihar Marzaluk u prajekcie «Azarionok. Napriamuju» raskazaŭ, čamu biełaruskim i ŭkrainskim nacyjanalistam nielha sumavać pa Alaksieju Navalnym.
Pa słovach Azaronka, «ciapier ź Jeŭropy pajšła mietadyčka — usim smutkavać pa Navalnym i Niamcovie (ciapier pa im hadavina). Prytym što Navalny tam pra biełaruskuju movu…»
Na hetym momancie prapahandysta pierapyniŭ Marzaluk.
«Ryhor, ty sarvaŭ ź jazyka. Kamu, kamu, ale nie biełaruskim nacyjanalistam i nie biełaruskim patryjotam uschvalać [Navalnaha]. Kali čałaviek zihavaŭ, vykidvaŭ ruku i kryčaŭ: «Słava Rasii!». Kali čałaviek, prajechaŭšy i smačna ryhnuŭšy paśla našych restaranaŭ, ździekavaŭsia nad «ŭ». Pieračytajcie, navat ja pra heta pisaŭ. Heta było ŭ jaho sacyjalnych sietkach.
Vy kaho [uschvalajecie]? Ašalełaha ruskaha šavinista, jaki ideałahična nienavidzić nas? Jaki ździekavaŭsia z našaj rodnaj movy? Navalny — heta nie taja historyja».
Pa słovach Marzaluka, jaho asabliva zamiłoŭvaje, kali Navalnaha pačynajuć uschvalać ukrainskija nacyjanalisty. «Chłopcy, jon ža kryčaŭ «Krym naš!» Jon ža byŭ suprać vašaj terytaryjalnaj cełasnaści ŭ tych miežach, u jakich vy chočacie adnavić svaju krainu. Chłopcy, vy siabrujcie z hałavoj!»
Čytajcie jašče:
Marzaluk zhienieravaŭ novuju ideju, jak udaskanalić zakanadaŭstva ab hienacydzie
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary
dyk kali movu budziem viartać, Marzaluk?