«Azaronak braniabojna stajaŭ, a Pustavy papłyŭ». Ivulin pra historyju ŭ minskim mietro
Padčas strymu na jutub-kanale BalaganOFF błohier Alaksandr Ivulin padzialiŭsia historyjaj, što adbyłasia z prapahandystami Azaronkam i Pustavym u vahonie minskaha mietro.
Vypadak, pra jaki raskazaŭ Alaksandr Ivulin, adbyŭsia ŭ studzieni 2021 hoda, u dzień, kali Alaksiej Navalny viarnuŭsia ŭ Rasiju. Alaksandr razam ź siabrami jechaŭ u mietro. U pierachodzie pamiž «Kastryčnickaj» i «Kupałaŭskaj» jany ŭbačyli Ryhora Azaronka i Jaŭhiena Pustavoha.
«Ja dumaju, treba da ich padyści, niešta skazać. Ale chłopcy kažuć, nie treba. Ja padyšoŭ bližej da ich, kab čuć, što jany havorać. Jany havorać: «Sabrali masoŭku. Nahnali amierykancy, kab sustreć Navalnaha. Lalkavody», — zhadvaje Ivulin.
Siarod pasažyraŭ znajšlisia ludzi, jakija zmahli vykazać prapahandystam svajo mierkavańnie ab ich.
«Niejki dzied i dziaŭčyna pačynajuć im havaryć, jak im nie soramna»,
— zhadvaje Ivulin.
Reakcyja prapahandystaŭ na heta była roznaja.
«Pustavy papłyŭ. Azaronak prosta braniabojna stajaŭ i słuchaŭ. Paśla ŭvieś vahon pačynaje im plaskać. My nie možam ničoha zrabić, bo ŭsie ŭ pravavym poli. Heta mietro. Ale sam fakt taho, što Azaronak užo tady, napačatku 2021-ha, byŭ taki braniabojny. Stajaŭ spakojna. A pa Pustavym było vidać, što jon pa-sapraŭdnamu papłyŭ.
Prosta ŭjavi — jany jeduć i ŭvieś vahon im apładziruje zrazumieła ź jakoj intanacyjaj».
Čytajcie jašče:
Žyćciovyja pryhody Jaŭhiena Pustavoha: čym viadomy prapahandyst STB
Pamior dzied Koli Łukašenki — były viazień HUŁAHa, asudžany za dapamohu «banderaŭcam»4
Kamientary
Uvohule nie razumieju hety naŭna-nachabny papulizm "kali adzin varyjant nie spracavaŭ, značyć, abaviazkova spracavaŭ by druhi".
Nibyta ŭ nas była tankavaja bryhada, jakoj mahli pieramahčy i ŭsie siły karnikaŭ, i napad Rasiei, a my tolki sumniavalisia, dazvolić jej zmahacca ci nie dazvolić.