Arcybiskupa Kandrusieviča vypisali sa špitala. Jon padziakavaŭ daktaram, a taksama ŭsim, chto za jaho maliŭsia
Vyjšaŭšy sa špitala, arcybiskup Kandrusievič padzialiŭsia svaimi dumkami.
27 lutaha arcybiskup emeryt Tadevuš Kandrusievič byŭ vypisany sa špitala, dzie pravioŭ dva tydni.
U hety čas z zaklikam da malitvy ab zdaroŭi dla svajho papiarednika nieadnarazova źviartaŭsia da viernikaŭ Mitrapalit Minska-Mahiloŭski arcybiskup Juzaf Stanieŭski.
Vyjšaŭšy sa špitala, arcybiskup Kandrusievič padzialiŭsia z Catholic.by svaimi dumkami.
«My pieražyvam Vialiki post — čas łaski i naviartańnia, a taksama čas, kali svaimi ciarpieńniami dapaŭniajem niedachop u našych ciełach pakutaŭ Chrysta (par. Kłs 1, 24).Tak užo stałasia, što praktyčna napiaredani Vialikaha postu, 12 lutaha, ja trapiŭ u špital z dyjahnazam mihacielnaja arytmija serca i prachodziŭ kurs lačeńnia da 27 lutaha.
Siońnia chaču vykazać svaju ŭdziačnaść usim, chto mianie lačyŭ i maliŭsia ab maim zdaroŭji.
Pieradusim lekaram Pieršaha kliničnaha špitala ŭ Minsku, jakija paśpiachova pryviali ŭ normu rytm serca. Dziakuju majmu nastupniku na Minska-Mahiloŭskaj katedry arcybiskupu Juzafu Stanieŭskamu, jaki zaklikaŭ da malitvy. Dziakuju biełaruskim biskupam, śviataram, kansekravanym asobam i śvieckim, jakija padtrymlivali mianie padčas hetaha vyprabavańnia i malilisia ŭ intencyi majho vyzdaraŭleńnia. Sa słovami ŭdziačnaści źviartajusia da rasijskich biskupaŭ, śviataroŭ, kansekravanych asabaŭ i viernikaŭ, jakija taksama prajavili salidarnaść sa mnoj i padtrymlivali svajoj malitvaj.
Niachaj dobry Boh adździačyć usim vam za vašaje dobraje serca, lekarski prafiesijanalizm i malitoŭnuju dapamohu!
U intencyi ŭsich vas u nastupnuju niadzielu, 3 sakavika, u minskaj katedry ja a pieršaj hadzinie budu celebravać śviatuju Imšu, prosiačy patrebnyja Božyja łaski na plonnaje pieražyvańnie Vialikaha postu»,— skazaŭ arcybiskup Tadevuš Kandrusievič, zaprasiŭšy ŭsich achvotnych da supolnaj malitvy, u tym liku z dapamohaj pramoj tranślacyi na partale Catholic.by.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»21
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary