Deputatka Mirončyk-Ivanova raskazała, ci možna joj vykładać u instahramie foty ŭ kupalniku
U spartsmienki Nastaśsi Mirončyk-Ivanovaj spytali, jak źmianiŭsia jaje Instagram paśla taho, jak jaje pryznačyli ŭ parłamient.
«Źjaviŭsia bolš dziełavy styl. Prybrała niekatoryja adkrytyja fotasiesii. Ale ŭsio roŭna deputaty taksama ludzi. I kali my na adpačynku, my možam dazvolić sabie dobraje fota ŭ kupalniku. Ale ŭsio pavinna być u peŭnych ramkach, u dziełavym styli.
Trochi daviałosia pamianiać svoj kantent (ja liču, u pravilnym kirunku) dla svajoj aŭdytoryi. Ciapier heta ŭžo i palityki, palityčnyja ahladalniki, bolš darosłaje pakaleńnie», — adkazała jana ŭ prahramie «100 pytańniaŭ darosłamu» na BT.
Ale i zdymki ŭ kupalniku zastalisia. Žnivień 2024. Fota: instahram deputatki
Spartsmienka taksama raskazała, što svoj brend adzieńnia «Miro» pastaviła na paŭzu z-za vialikaj zahružanaści. Ale nie pakidaje ideju zapuścić svaju liniejku jak spartyŭnaha, tak i kłasičnaha adzieńnia.
«Mahčyma, u budučyni ŭ mianie źjavicca bolš svabodnaha času. U dalokaj budučyni. A moža, i ciapier ja zdoleju sumiaścić i realizavać ideju paŭnavartasnaha brendu «Miro». Mahčyma, heta budzie spartyŭnaje adzieńnie.
Pry hetym usie imknucca na chudyja fihury naciahnuć pryhožyja ablahajučyja lehinsy. Mnie b chaciełasia padkreślić pryhažość našych biełaruskich form, žančyn, jakija ŭ formie. Mnie vielmi chaciełasia b zaniacca i spartyŭnym brendam, i, zrazumieła, majoj luboŭju — kłasičnym adzieńniem», — raskazała Mirončyk-Ivanova.
Dzie sioleta adpačyvajuć Tur, Mirončyk-Ivanova, viadučaja HUBAZiKa dy inšyja łukašysty i jakija hateli jany vybirajuć?
Jak skakucha stała deputatkaj. Historyja Nastaśsi Mirončyk-Ivanovaj
Skakucha Mirončyk-Ivanova: Alimpijskija hulni biez nas, biez najmacniejšych — heta nie Alimpijada
«Jana ŭ štanach vyjdzie, rubanie». Łukašenka prapanavaŭ u prezidenty niečakanuju kandydaturu
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?1
Kamientary