Nieruchomaść11

Minčanka zdała kvateru i syšła ŭ minus na 1000 rubloŭ

Zaraz papiaredžvaje inšych arendadaŭcaŭ.

Fota: Onliner.by

Śviatłana (imia źmieniena) daŭno zdaje svaju trojku ŭ chruščoŭcy ŭ Maskoŭskim rajonie, ale z takoj situacyjaj sutyknułasia ŭpieršyniu, piša Onliner.by.

U 2022 hodzie jana zasialiła ŭ kvateru maładuju paru z Turkmienistana, jakaja pieršy hod spraŭna płaciła arendu i nie dastaŭlała prablem. U listapadzie minułaha hoda damova skončyłasia, tamu hieroi našaj historyi vyrašyli pierazaklučyć jaje na taki ž termin: pa słovach žančyny, zamiežniki płanavali atabarycca ŭ Biełarusi i atrymać DNŽ.

— My pryjšli ŭ raźlikovy centr, kab zaklučyć damovu arendy, i maja hałoŭnaja pamyłka była ŭ tym, što ja nie ŭziała zakład pierad tym, jak jaho padpisać, — uspaminaje Śviatłana. — Paśla taho jak pracedura adbyłasia, kvataranty abviaścili: hrošaj na zakład niama. Ja źniervavałasia, ale ŭ toj momant i padumać nie mahła, jakim bokam mnie heta vylezie.

Prajšoŭ miesiac. U listapadzie Ajdžan (imia źmieniena) kaža haspadyni kvatery, što źjazdžaje z krainy: u pary adbyŭsia kanflikt, tamu dziaŭčyna nie maje namieru tut bolš zastavacca. Śviatłana paśpieła paprasić jaje źniacca z rehistracyi, ale inšaziemki i śled prastyŭ.

— Ja prystrašyła jaje chłopca, Achmied (imia źmienienaje), što pajdu ŭ sud i vysielu jaje prymusova. Jon paprasiŭ hetaha nie rabić i abiacaŭ płacić za jaje. Litaralna praź miesiac telefanuje mnie z samalota i abviaščaje: jaho departavali, tamu jon pakidaje Biełaruś. U mianie byŭ šok, bo ja zrazumieła: vypisacca jon nie zmoža, tamu pryjdziecca vypisvać praz sud abaich. Pry hetym apłatu arendy nichto nie admianiaŭ, — uzdychaje minčanka.

Žančyna pajšła ŭ sud i litaralna na dniach situacyja vyrašyłasia. U ramkach druhoha słuchańnia kvatarantaŭ usio ž vypisali, praz dva tydni Śviatłana atrymaje na ruki rašeńnie suda.

Finał hetaj historyi — minus kala 1100 rubloŭ ź biudžetu minčanki, jakija niama z kaho spahnać. U hetuju sumu ŭvachodziać hrošy, patračanyja na sudovyja vydatki, i arendnaja płata za dvuch kvatarantaŭ, jakija źjechali jašče paru miesiacaŭ tamu.

— Tak jak damovu arendy možna skasavać tolki pa pahadnieńni bakoŭ, maja parada ŭładalnikam, jakija zdajuć kvatery: biarycie pieradapłatu za paru miesiacaŭ napierad. Tak vy zaścieražecie siabie ad finansavych strat u vypadku, kali kvataranty źniknuć. Jašče adzin varyjant — zrabić u nataryusa davieranaść na treciuju asobu, jakaja dakładna budzie znachodzicca ŭ Biełarusi i ŭ vypadku čaho zmoža padjechać z vami ŭ RDC i pa davieranaści vypisać z kvatery byłych žycharoŭ, — padsumavała Śviatłana.

Kamientary1

  • Tekla
    25.02.2024
    Heta nie zusim tak. Damovu možna skasavać i ŭ adnabakovym paradku praz sud u vypadku, kali adzin z bakoŭ nie vykonvaje umovy pa damovie

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →