Грамадства44

Маскоўская карэспандэнтка АНТ падала ў суд на прарасійскага актывіста Агафонава. Ён ужо просіць прабачэння

Працягваюцца разборкі паміж прыхільнікамі Аляксандра Лукашэнкі розных гатункаў. Прарасійскі актывіст Арцём Агафонаў у сваім тэлеграм-канале на 339 падпісчыкаў расказаў пра суд з яго ўдзелам, які працягваецца ў гэтыя дні.

Аказваецца, на яго пакрыўдзілася маскоўская карэспандэнтка АНТ Святлана Карульская. У яе былі прэтэнзіі да артыкула Агафонава на сайце «Палітнавігатар». Там ён назваў яе «сістэмнай нацыяналісткай».

Святлана Карульская, фота Sb.by

Сам артыкул ужо выдалены, а актывіст ужо прыносіць прабачэнні: «У артыкуле [я] дапусціў ілжывае сцвярджэнне, што яна адчувае нянавісць да воінаў СВА. Натуральна, гэта сцвярджэнне выклікала яе апраўданы гнеў. У рэальнасці яна была на Данбасе, рабіла адтуль кампліментарныя ў дачыненні да расейскіх войскаў матэрыялы і наогул занесеная за гэта на «Міратворац». Прыношу прабачэнні».

Арцём Агафонаў быў актывістам Аб’яднанай грамадзянскай партыі, нават узначальваў Мінскую абласную арганізацыю. Пералом у Агафонава адбыўся пасля падзей у Крыме і на ўсходзе Украіны, калі ён падтрымаў расійскую агрэсію.

Па словах Агафонава, наступнае паседжанне адбудзецца 5 сакавіка і можа скончыцца мірам. Карульская пакуль вагаецца, ці пагаджацца на мір: «Я рашэнне яшчэ не прыняла. І, калі яно будзе падпісана, то шэраг умоў у мяне яшчэ ёсць».

У Карульскай ёсць свой тэлеграм-канал — «З Масквы ў Мінск з любоўю» — з мізэрнай колькасцю падпісчыкаў, 236 чалавек. У журналісткі ўмераныя пазіцыі, як па цяперашніх часах — падтрымлівае Лукашэнку і Пуціна, але заклікае не знішчаць усё беларускае.

Агафонаў намякаў, што Карульская датычная да тэлеграм-канала ўмераных лукашэнкаўцаў «Аналітычныя гуслі», які днямі закрыўся, маючы на той момант каля 300 падпісчыкаў. Цяпер «Гуслі» аднавіліся з падобнай назвай, але пакуль здабылі толькі 40 чытачоў.

Каментары4

  • Віленчук
    22.02.2024
    НН, вы сур'ёзна? Годзе абмяркоўваць нейкіх маргіналаў. 
  • Не вайне
    22.02.2024
    Фанатка расейская, пляскаеш у далоні акупантам і забойцам украінцаў. Прыйдзе час, не схаваешся.
  • маскавітаў гэть!
    23.02.2024
    Рапуха білася з гадзюкай. Трэба дэпартаваць адну на масковію, другога ў Казахстан, няма чаго ім рабіць у Беларусі.

Дар‘я Лосік выйшла на свабоду па памілаванні12

Дар‘я Лосік выйшла на свабоду па памілаванні

Усе навіны →
Усе навіны

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж6

больш чытаных навін
больш лайканых навін

Дар‘я Лосік выйшла на свабоду па памілаванні12

Дар‘я Лосік выйшла на свабоду па памілаванні

Галоўнае
Усе навіны →