Hramadstva1818

Karpiankoŭ choča vyvieści ŭnutranyja vojski ŭ asobnuju strukturu na ŭzor Rashvardyi

Krynicy «Našaj Nivy» ŭ Ministerstvie ŭnutranych spraŭ paviedamlajuć pra reformu, jakuju sprabuje prałabiravać namieśnik ministra, łukašenkaŭski hienierał Mikałaj Karpiankoŭ.

Mikałaj Karpiankoŭ

«Adnosiny pamiž ministram Ivanam Kubrakovym i jahonym namieśnikam Karpiankovym stanoviacca nievynosna kiepskimi — Karpiankoŭ płanuje adździaleńnie ŭnutranych vojskaŭ ad MUS u asobnuju strukturu na manier Rashvardyi. A toje, što Łukašenka nie adpraviŭ Karpiankova ŭ vieraśni na piensiju, uskosna havoryć pra dalejšyja płany na hetaha čałavieka», — kaža «Našaj Nivie» infarmavany surazmoŭca sa struktury MUS.

Rashvardyja — vajennaja arhanizacyja, stvoranaja ŭ 2016-m u Rasii na bazie ŭnutranych vojskaŭ MUS Rasii, jakaja vykonvaje funkcyi pa fizičnym zadušeńni luboha rodu niazhody z pucinskim režymam.

Joj padparadkoŭvajucca ŭnutranyja vojski i atrady śpiecnaza pa ŭsioj Rasii. 

Kiruje Rashvardyjaj 70-hadovy hienierał armii Viktar Zołataŭ, čyj status pryraŭniany da ministra — jon padparadkoŭvajecca tolki Pucinu. 

«Ciapier biełaruskija ŭnutranyja vojski isnujuć u sistemie MUS u vyhladzie Hałoŭnaha ŭpraŭleńnia. Kali ich vyvieduć u asobnuju strukturu, Karpiankoŭ stanie na ŭzroŭni ministra, a ŭsie jahonyja top-mieniedžary, adpaviedna, stanuć pa pazicyju vyšej. Kožny čałaviek u sistemie zrobić krok napierad karjerna i finansava.

Samastojny status taksama abiacaje samastojnaje kiravańnie biudžetam. Tłumačyć vyhody, u pryncypie, niama sensu, jany na pavierchni», — dadaje naš surazmoŭca, akcentujučy ŭvahu na tym, što Karpiankoŭ paŭtaraje pracesy, jakija adbyvalisia ŭ Rasii. 

«Jon nie zaŭsiody trymaje subardynacyju i dazvalaje sabie pisać naŭprost Łukašenku, choć pavinien havaryć z uładaj tolki praź ministra Kubrakova. Pazicyjanuje siabie samastojnaj fihuraj, jakoj ciesna ŭ jaho ciapierašniaj pazicyi, i čałaviekam, jaki viedaje, jak pavinna raźvivacca sistema abarony kanstytucyjnaha ładu. 

Kubrakoŭ (u centry) i Karpiankoŭ (sprava)

Jon užo stvaryŭ u abłasnych haradach svaje atrady śpiecnazu, pryciahnuŭ z saboj svaich davieranych asob z HUBAZa, jakija stali pracavać va ŭnutranych vojskach jak słužba ŭłasnaj biaśpieki, padmianiajučy hetuju funkcyju MUS.

Namier jaho całkam jasny, dla aficeraŭ unutranych vojskaŭ jon sakretam nie źjaŭlajecca, i ŭsie, pa ščyraści, hetaha čakajuć i na heta spadziajucca, tamu što ŭ materyjalnym sensie stanie palepš.

Z boku centralnaha aparata MUS, kaniečnie ž, padtrymki niama — chto padtrymaje sieparatny ruch? 

Zastajecca tolki nieviadomym, ci ŭdasca Karpiankovu pierakanać Łukašenku, za jakim finalnaje rašeńnie», — padahulniŭ surazmoŭca. 

Karpiankoŭ raznosić vitrynu kafe O'Petit. Heta adzinaje kafe, jakoje paciarpieła padčas pratestaŭ-2020. Praŭda, ad ruk milicyi

Kamientary18

  • Adabriaju
    01.02.2024
    Karpiankoŭ choča vyvieści ŭnutranyja vojski ŭ asobnuju strukturu pa ŭzory Rashvardyi/
    Pravilna. Potym sudzić ich usich razam. A strukturu pryznać terarystyčnaj. Proźviščy apublikavać na admysłovym sajcie, z fota kartkami.
  • daviedka
    01.02.2024
    Karpienkov niedavno vručił pieried strojem krapovyj bieriet Kubrakovu, kotoryj v otviet otdał svoju šapku Karpienkovu.
  • Kłoun
    01.02.2024
    Zachacieŭ stać miascovym Pryhožynym?
    Achacha, u prihožyna mazhi byli i dośvied mižnarodnych znosin jakich nijakich. A karpuša - radavy rekicir z 90ch, jaki vylez TOLKI tamu, što hłyboka liznuŭ. Niama čaho i paraŭnoŭvać ich.

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie32

Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema23

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić