Staršynia CVK sprahnazavaŭ, kolki proźviščaŭ budzie ŭ biuleteni na prezidenckich vybarach
Ihar Karpienka panarakaŭ, što ŭsim patencyjnym kandydatam treba było pačynać rychtavacca jašče ŭ 2020 hodzie.
Staršynia Centralnaj vybarčaj kamisii Biełarusi Ihar Karpienka ŭ intervju ANT parazvažaŭ pra pačatak elektaralnaj kampanii. Siarod inšaha, jaho spytali, kolki kandydataŭ jon čakaje.
«Mnie składana prahnazavać. Na stadyi zboru podpisaŭ moža być 5-6 hrup. Chto realna źbiare — u ahulnaj kolkaści moža być u biuleteni 3-4 proźviščy», — skazaŭ Karpienka.
Jon taksama panarakaŭ na pretenzii, što zastałosia mała času dla padrychtoŭki patencyjnych kandydataŭ da vybaraŭ.
«Treba było surjozna nad hetym pracavać, a nie čakać, kali budzie abjaŭlenaja data vybaraŭ, a potym kryčać hołasam, što my nie hatovy, my jašče nie paśpiejem, dajcie nam jašče miesiac», — padkreśliŭ staršynia CVK.
Nahadajem, što na minułym tydni była zaćvierdžanaja data čarhovych vybaraŭ — 26 studzienia 2025 hoda, za paŭhoda da kanca biahučaha termina. Na hety momant tolki adna inicyjatyŭnaja hrupa padała dakumienty na rehistracyju kandydatam — hrupa Alaksandra Łukašenki. Pra svajo žadańnie ŭziać udzieł u vybarach vykazalisia Aleh Hajdukievič i Hanna Kanapackaja.
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu9
Kamientary