Kubrakoŭ nie vyklučyŭ, što amnistyju prymieniać i da palitźniavolenych. Ale ŭ zabojcaŭ šancaŭ bolš
Ministr unutranych spraŭ Ivan Kubrakoŭ, vystupajučy ŭ efiry telekanała «Biełaruś 1», dapuściŭ, što ŭ Biełarusi mohuć prymianić amnistyju i da asudžanych pavodle tak zvanych «ekstremisckich» artykułaŭ. Ale zrabiŭ heta chutčej rytualna.
«Ale chaču skazać. Prezident padkreśliŭ: tam, dzie hramadzianie — u tym liku i jakija asudžanyja za ekstremizm — u indyvidualnym paradku, kali čałaviek raskajaŭsia, i amnistyja moža być prymieniena. Tamu hetaje pytańnie jašče budzie prapracavana dadatkova. Kali sapraŭdy my ŭbačym hetuju ščyraść, što ludzi raskajvajucca — nu to čamu nie. U indyvidualnym paradku heta mahčyma», — zajaviŭ Kubrakoŭ.
Pierad hetym jon, adnak, byŭ kateharyčny:
«Što tyčycca asob, jakija asudžanyja za «ekstremizm», «teraryzm», naša prapanova była adnaznačnaja: da hetaj katehoryi hramadzian nie ŭžyvać amnistyi. ( … ) Što tyčycca «ekstremizmu», nu, vy ŭsio vydatna razumiejecie, što heta strašnaje złačynstva, tamu my kateharyčna suprać taho, kab da dadzienaj katehoryi hramadzian prymianiać amnistyju».
U toj ža čas viedamstva Kubrakova za toje, kab pašyrać amnistyju na asob, asudžanych za złačynstvy mienš strašnyja i niebiaśpiečnyja:
«Novaŭviadzieńnie, jakoje było prapanavana, — heta prymianić amnistyju da asob, jakija asudžanyja za asabliva ciažkija złačynstvy, u tym liku zabojstva, ciažkija cialesnyja paškodžańni, jakija pryviali da śmierci».
U hetym vypadku jon havoryć pra amnistyju da 10 žančyn-zabojcaŭ. Astatnim asudžanym zabojcam palohki čakać nie varta.
«Navošta jaje ŭvohule pasadzili?» Łukašenka pra žančynu, jakaja atrymała 6 hadoŭ za zabojstva muža-ahresara
U šerahu artykułaŭ Kryminalnaha kodeksa zjavicca pakarańnie, nie źviazanaje z pazbaŭleńniem voli. Prastytutkam budzie palohka
Amnistyja-2024 nie zakranie palitviaźniaŭ i zakładčykaŭ. Što viadoma pra płany ŭładaŭ?
Łukašenka anansavaŭ amnistyju-2024 i choča pierahledzieć niekatoryja artykuły Kryminalnaha kodeksa
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»7
Kamientary