Hramadstva88

Azaronka čakaje klinok u śpinu, Hajdukieviča — «chimija», a Bondaravu — siamiejnaja zdrada. Dziaŭčyna robić taro-raskłady na budučyniu

U akaŭncie «Što tam, Śvieta?» u tyktoku možna pabačyć taro-raskłady na budučyniu Azaronka, Bondaravaj, Ejsmant dy inšych prychilnikaŭ dyktatury.

Adrazu papiaredzim — prahnozy žartaŭlivyja.

Błohiercy Śviatłanie, jakaja ich robić, 28 hadoŭ. Jana pracuje ŭ spartyŭnaj śfiery — hetym samym zajmałasia, i pakul žyła ŭ Biełarusi. Šmat času dziaŭčyna taksama pracavała ŭ prajekcie «Heta Minsk, dzietka», ź jakoha vyrašyła syści naprykancy 2023 hoda.

@shto_tam_sveta #Belarus #Biełaruś #taro #raskład #2024 #dmitrijbaskov #baskov #chokkiej ♬ orihinalnyj zvuk - Što tam, Śvieta?

Nieŭzabavie paśla hetaha dziaŭčyna znajšła kamandu adnadumcaŭ, jakija prapanavali raskazvać pra biełaruski paradak dnia ŭ novym farmacie.

— Mianie zaŭsiody ciahnuła da kart taro, varažby, mistyki, astrałohii, abradaŭ i tamu padobnaha. Naviny raspaviadać moža kožny, a voś novy farmat, u jakim ja mahu samavyjaŭlacca i vyśmiejvać režym Łukašenki dy našych publičnych pierson, dy jašče i z kartami i pradkazańniami, pahadziciesia, značna cikaviejšy. Jak byccam mienavita hety farmat ja i šukała, tolki sama nie mahła dakładna sfarmulavać.

Karty ŭziała ŭ znajomaj, praviała abrad čystki i niešta sama dakupiła. Mnie dapamahli z afarmleńniem, ja pasprabavała rabić raskłady, pačało atrymlivacca. I adrazu pajšli vielmi ŭdałyja raskłady, škada, nie ŭsio patrapiła ŭ kadr.

@shto_tam_sveta #Belarus #Biełaruś #taro #raskład #olhabondarieva #2024 ♬ orihinalnyj zvuk - Što tam, Śvieta?

Błohierka zadavolenaja, što atrymlivajecca daryć biełarusam pazityŭnyja emocyi. Kaža, aŭdytoryi taki farmat padabajecca: kahości pryvablivaje charyzma varažbitki, kahości cikavić raskład — navat kali tema vidavočna absurdnaja. Śviatłana, naprykład, pytałasia ŭ kart taro, ci pačnuć biełarusy hatavać katlety na 3D-pryntary — navina pra takoje dasiahnieńnie biełaruskich navukoŭcaŭ była ŭ «Sielskaj haziecie».

A chtości prosta choča atrymać lohki i niedepresiŭny kantent, jakoha vielmie nie chapaje. Taro-raskłady, darečy, cikavy sposab adrefleksavać absurd, u jakim žyvuć biełarusy

@shto_tam_sveta #Belarus #Biełaruś #taro #horoskop #nataljaejsmont #vodolej #2024 ♬ orihinalnyj zvuk - Što tam, Śvieta?

Kaniečnie, čas ad času ŭ kamientaryi prychodziać jabaćki. Śviatłana adznačaje, što chiejt joj vielmi padabajecca — i navat matyvuje ruchacca dalej.

— Mnie śmiešna, što maje karty kranajuć čyjuści vieru ŭ boskaść Łukašenki i biazhrešnaść jahonych paplečnikaŭ. Čaściakom mianie zabaŭlajuć kamientaryi jabaciek. Zvyčajna jany vyhladajuć niaŭmieła i ŭboha, ludzi nie mohuć navat prydumać niešta aryhinalnaje ci kryŭdnaje. Siabry siekty Łukašenki prychodziać u kamientary rehularna — i heta dobra. Značyć, ja ŭsio rablu pravilna: ich čaplajuć absurd kumira i satyra nad im.

Jość krytyka ad tych, kamu nie padabajecca kamiedyjnaja padača raskładaŭ.

— Niekalki takich kamientaroŭ było ad biełaruskich humarystaŭ u emihracyi. Mahčyma, z-za ciažkaj situacyi jany nie ličać humar dapuščalnym, tamu marać zabaranić samich siabie i mianie zaadno. Nie razumieju hetaha.

Idei dla rolikaŭ doŭha šukać nie davodzicca.

— Ja prosta sadžusia za stoł i čytaju apošnija naviny ź Biełarusi. Abaviazkova znachodzicca toje, što mianie čaplaje i da čaho lažyć duša. Čaściakom, kali zahałoŭki pračytać usłych, jany ŭžo hučać jak žart. Ale ja šukaju mienavita tyja naviny, dzie jość niejkaja niedaskazanaść, pytańnie, na jakoje možna zrabić raskład. Tak i zdymaju.

Asobnaj katehoryjaj u mianie iduć raskłady na publičnych asob. Tam jość z čaho paśmiajacca. Asabliva dobra atrymałasia pra danosčycu Volhu Bondarava. Paśla hetaha rolika mnie ŭ asabistyja paviedamleńni pryjšło šmat infarmacyi pra jaje.

Ciapier u błohierki ŭžo 20,7 tysiačy padpisčykaŭ.

Kamientary8

  • daviedka
    09.01.2024
    Hajdukieviča ždiot «chimija»... Užie dažie priniaty popravki v zakonodatielstvo o chimičieskoj kastracii piedofiłov.
  • Y
    09.01.2024
    Apostał, chachacha, charoš. Zhodny 
  • Salt i Son
    09.01.2024
    Apostał,
    Amiń 🙏🏻

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ16

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

U Kijevie zajavili pra stvareńnie biełaruskaha hramadskaha ruchu «Kalinoŭcy». U kiraŭnictvie viadomyja asoby24

Samy małady kantraktnik Rasii zahinuŭ va Ukrainie ŭ pieršym ža bai15

Kitaj pastaŭlaje Biełarusi detali dla zbroi suprać Ukrainy 6

Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju2

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES20

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ16

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →