U Lidzie barda Siarhieja Čarniaka adpravili za kraty za «raspaŭsiud ekstremisckich materyjałaŭ»
59-hadovaha mužčynu pieršy raz zatrymali jašče dva tydni tamu na pracy.
U sud jaho vieźli ŭ kajdankach na padłozie słužbovaha busa. Ale adtul u kardyjałohiju jaho zabrała chutkaja dapamoha, bo Čarniaku stała kiepska z sercam, piša «Hrodzienskaja viasna».
Ciapier Čarniaka znoŭ zatrymali. U sudzie Lidskaha rajona 20 śniežnia sudździa Natalla Łoban pryznačyła jamu 15 sutak administracyjnaha aryštu za «raspaŭsiud ekstremisckich materyjałaŭ» (art. 19.11 KaAP).
Navahodnija śviaty Siarhiej praviadzie za kratami, a na volu pavodle terminu maje vyjści tolki 3 studzienia.
Kali Kanapackaja stała całkam padkantrolnaja Łukašenku?22
Kamientary