U 2024 hodzie biełaruskija vajskoŭcy praviaduć bajavyja puski kompleksu «Iskander» — Minabarony
U 2024 hodzie «viancom padrychtoŭki» rakietnaj bryhady, u jakoj na ŭzbrajeńni znachodzicca apieratyŭna-taktyčny rakietny kompleks (ATRK) «Iskander», stanie «kantrolny zaniatak na adnym z rasijskich palihonaŭ z bajavymi puskami», zajaviŭ u intervju telekampanii «VajenTV» 19 listapada načalnik rakietnych vojskaŭ i artyleryi Uzbrojenych sił Biełarusi Rusłan Čechaŭ.
Pavodle słoŭ Čechava, padrychtoŭka hetaj bryhady «płanavaja, vielmi nasyčanaja», da jaje pryciahvajucca «instruktary z Uzbrojenych sił Rasijskaj Fiederacyi, jakija dajuć vysokuju acenku našym rakietčykam».
«My vielmi ciesna ŭzajemadziejničajem z našymi rasijskimi kalehami. I ŭsio novaje i toje, što dobra zarekamiendavała siabie ŭ zonie SVA, my ŭžyvajem u svajoj padrychtoŭcy. Najpierš heta bieśpiłotnyja avijacyjnyja kompleksy. My aktyŭna vykarystoŭvajem śpiecyjalnaje prahramnaje zabieśpiačeńnie, jakoje dazvalaje pamienšyć čas padrychtoŭki dadzienych dla stralby», — adznačyŭ Čechaŭ.
Raźliki prajšli navučańnie ŭ RF, «ukamplektavanyja vyklučna aficerami, praparščykami i vajskoŭcami, jakija prachodziać słužbu pa kantrakcie», havaryłasia ŭ relizie viedamstva.
Paśla paŭzy ŭ 52 dni Rasija atakavała Kijeŭ «Iskanderam»
Na ŭzbrajeńnie biełaruskaj armii pastupiŭ čarhovy kamplekt «Iskander-M» — Minabarony
Što za čamadan nosić kala Łukašenki jahony achoŭnik? Nie, tam nie jadziernaja knopka18
Kamientary