U Minsku adkryŭsia Centr movy i kultury samaj vialikaj musulmanskaj krainy ŭ śviecie
Centr indaniezijskaj movy i kultury adkryŭsia ŭ Linhvistyčnym univiersitecie.
U Minskim dziaržaŭnym linhvistyčnym univiersitecie adkryŭsia Centr indaniezijskaj movy i kultury. Padzieju prymierkavali da 30-hodździa sa dnia ŭstanaŭleńnia dypłamatyčnych adnosin pamiž Biełaruśsiu i Indaniezijaj, paviedamlajuć «Minsk-Naviny».
Mierapryjemstva naviedaŭ nadzvyčajny i paŭnamocny pasoł Indaniezii ŭ Rasii i Biełarusi Žaze Antonia Marata Tavareš, jaki padkreśliŭ važnaść adkryćcia centra, skazaŭšy, što heta most dla ŭzajemarazumieńnia dźviuch krain.
Rektar MDŁU Natalla Łapcieva padkreśliła, što dla ŭniviersiteta važna pašyreńnie palitry moŭ.
— Indaniezijskaja — asablivaja mova. Letaś realizavali pieršy prajekt, u jakim pryniali ŭdzieł 17 studentaŭ našaha ŭniviersiteta, jakija vyvučali hetuju movu anłajn, — adznačyła N. Łapcieva.
«Čakajem pryjezdu da nas studentaŭ ź Indaniezii. Taksama nie vyklučajem mahčymaści nakiravańnia biełaruskaj moładzi va ŭniviersitet Indaniezii ŭ Džakarcie i ŭniviersitet nacyjanalnaha raźvićcia «Vieteran» u Džakjakarcie, ź jakimi ŭ nas zaklučana damova», — dadała N. Łapcieva.
Jarkim momantam mierapryjemstva staŭ taniec «Hiendžrynh» u vykanańni ŭdzielnic hrupy «Kirana Nusatrana Dens».
Indaniezija — samaja hustanasielenaja musulmanskaja kraina ŭ śviecie. Pavodle Worldometers, u Indaniezii žyvie 278 miljonaŭ čałaviek, ličycca, što musulmanie składajuć 88 pracentaŭ nasielnictva. Heta značyć 244 miljony. U Indyi i Pakistanie žyvie mienš za 200 miljonaŭ musulmanaŭ. Uvohule, Indaniezija zajmaje čaćviertaje miesca ŭ śviecie pa kolkaści nasielnictva, śledam za Indyjaj, Kitajem i ZŠA.
Kamientary