Jak stać čaraŭnikom dla dziaciej palitviaźniaŭ? Ctartavała «Kaladnaja pošta»
Napiaredadni Kaladaŭ fond «Kraina dla žyćcia» razam ź inicyjatyvami Dissidentby, Littouwin Lions club, Politzek.me, Narodnymi ambasadami Biełarusi dy Abjadnańniem biełarusaŭ u Amierycy (ABA) abviaścili pra adkryćcio «Kaladnaj pošty» dla dziaciej palitźniavolenych.
Dzieci palitviaźniaŭ mohuć namalavać ci napisać u liście pra padarunak, jaki chacieli b znajści pad navahodniaj jalinkaj. Dla ŭdziełu ŭ akcyi treba zapoŭnić formu pa spasyłcy.
A kožny z vas moža stać tym samym čaraŭnikom, jaki ździajśniaje žadańni. I padaryć dziciaci toje, pra što jano tak maryła. Da akcyi možna dałučycca ź luboj častki śvietu. Zrabić heta možna pa spasyłcy.
Umovy dabračynnaj akcyi:
- list mohuć napisać dzieci palitviaźniaŭ va ŭzroście da 16 hadoŭ;
- dzieci palitviaźniaŭ, što vyzvalilisia, va ŭzroście da 16 hadoŭ;
- taksama prymajucca zajaŭki dla dziaciej z asablivaściami da 19 hadoŭ.
Zbor zajavak budzie doŭžycca miesiac, da 3 śniežnia.
Davajcie razam padorym ciepłyniu i kłopat dzieciam, čyje mama ci tata zaraz za kratami, zaklikajuć arhanizatary akcyi.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary