«Nam stali admaŭlać u rehistracyi». Siem čałaviek nie trapili na rejs «Biełavija» Kutaisi — Minsk
Siońnia ŭnačy ŭ redakcyju vydańnia «Anłajnier» napisali ŭschvalavanyja čytačy. Vyśvietliłasia, što siem čałaviek nie zmahli prajści rehistracyju na rejs Kutaisi-Minsk, jaki vylataŭ u 4:55 ranicy. Ludziam prapanavali viarnucca dadomu inšymi rejsami. Pasažyry sami raźmiarkoŭvali daty — ciahnuli žerabia prosta ŭ aeraporcie.
Pra situacyju «Anłajnieru» raskazała Jaŭhienija, jakaja adpačyvała ŭ Hruzii pa pucioŭcy. Pryjechała jana na rehistracyju svoječasova, ale stajała ŭ čarzie adnoj z apošnich.
«Heta byŭ načny rejs. Mnie i jašče šaści pasažyram admovili ŭ rehistracyi i paprasili padyści da pradstaŭnika «Biełavija» ŭ aeraporcie. Tam nam paviedamili, što zdaryŭsia «pieraprodaž», miescaŭ nie chapiła, tamu nam prapanavali vylet inšymi rejsami. 23 vieraśnia z Batumi — dva čałavieki i z Tbilisi — adzin, 24 vieraśnia — z Tbilisi čatyry čałavieki.
My sami raźmierkavali, chto i kali palacić — na papierkach napisali horad vyletu i vyciahvali žerabia. A kali spytalisia pradstaŭnika adnosna tranśfieru i pražyvańnia, to nam ničym nie zmahli dapamahčy. Skazali: raźbirajciesia sami, a ŭ Minsku atrymajecie kampiensacyju».
Jaŭhienija dasłała videa z aeraporta, jakoje paćviardžaje jaje słovy. Pracaŭnica vietliva kamunikuje z pasažyrami, ale spasyłajecca na toje, što list ź infarmacyjaj joj dasłali zanadta pozna — za piać hadzin da vyletu. Tamu ludziam i nie zmahli dapamahčy z reziervacyjaj haścinicy.
Pa słovach Jaŭhienii, siońniašniuju noč jana praviała ź inšymi pasažyrami ŭ aeraporcie, a ciapier jana i jašče try čałavieki jeduć u Tbilisi. Ranicaj ź biełaruskaj źviazaŭsia pradstaŭnik turfirmy i zapeŭniŭ, što «Biełavija» biaspłatna raźmieścić turystaŭ u pradstaŭnickim hateli.
«Asabista mnie ciapier dapamahaje turapieratar, bo ja adpačyvała arhanizavana. Ale siarod nas jość ludzi, jakija kuplali kvitki samastojna. U ich była panika», — kaža Jaŭhienija.
Paśla 15:00 stała viadoma, što čatyroch źniatych z rejsa pasažyraŭ sustreli ŭ Tbilisi pradstaŭniki «Biełavija». Ludziam apłaciać tranśfier i pražyvańnie ŭ hateli.
«Z astatnimi ludźmi taksama źviazalisia pradstaŭniki hruzinskaha boku. Jany indyvidualna damaŭlalisia z kožnym udzielnikam», — adznačaje biełaruska.
Što kažuć u avijakampanii?
U pres-słužbie «Biełavija» rastłumačyli, što na rejsie Kutaisi-Minsk 22 vieraśnia siem pasažyraŭ nie zmahli prajści rehistracyju z-za techničnaha zboju. Ich reziervacyi byli niekarektna adlustravanyja ŭ infarmacyjnaj sistemie.
«U pradstaŭnictvie «Biełavija» ŭ Hruzii pasažyram prapanavali skarystacca inšymi rejsami avijakampanii. Było vyrašana, što piaciora ź ich adpraviacca ŭ Biełaruś z aeraporta Tbilisi, jašče dvoje — z Batumi ŭ najbližejšyja dni. Pry hetym u čatyroch pasažyraŭ, jakija vylatajuć z Tbilisi, uźnikła nieabchodnaść u žylli. Ich raśsialili ŭ hateli i zabiaśpiečyli charčavańniem. Avijakampanija prynosić pasažyram svaje prabačeńni i zapeŭnivaje, što zrabiła ŭsie mahčymyja namahańni dla vyrašeńnia situacyi z kamfortam dla pasažyraŭ».
Taksama «Biełavija» nastojliva rekamienduje ŭnosić karektnyja kantaktnyja danyja i praviarać status reziervacyi pierad vyletam na sajcie avijakampanii.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary