Departamient mihracyi Litvy čakaje napłyŭ biełarusaŭ pa pašpart zamiežnika i tłumačyć, što atrymajuć jaho nie ŭsie
Paśla taho, jak Biełaruś spynili vydaču pašpartoŭ u ambasadach i konsulstvach za miažoj, biełarusy, jakija ŭciakli ad režymu ŭ Litvu, zmohuć źviartacca ŭ Departamient mihracyi pa afarmleńnie pašparta zamiežnika. Dyrektarka Departamienta mihracyi Litvy Evielina Hudzinskajcie prahnazuje, što kolkaść biełarusaŭ, jakija žadajuć atrymać pašpart zamiežnika, značna vyraście. Heta, u svaju čarhu, jašče bolš pavialičyć nahruzku na ŭstanovu.
«Heta vielmi važnaja navina. Tyja, chto baicca viartacca ŭ Biełaruś, panikujuć, što rabić. Ale jość taki miechanizm — aformić pašpart zamiežnika. I kali raniej my vydavali niekalki dziasiatkaŭ takich pašpartoŭ na hod, to ciapier ich budzie našmat bolš», — prahnazuje Hudzinskajcie.
«Ciažka dakładna skazać, kolki takich biełarusaŭ u Litvie, ale havorka idzie pra niekalki tysiač biełarusaŭ, jakija mohuć mieć patrebu», — dadała jana.
Adnak načalnica Departamienta mihracyi źviartaje ŭvahu, što pašpart zamiežnika mohuć atrymać tolki tyja biełarusy, jakija nie mohuć viarnucca ŭ Biełaruś z humanitarnych abo palityčnych pryčyn. Tamu pierad vydačaj dakumientaŭ budzie prachodzić dadatkovaja ekśpiertyza.
«Daviadziecca davać acenku, tamu što pašpart zamiežnika vydajecca tolki tym asobam, jakija nie mohuć viarnucca ŭ Biełaruś, jakija abjektyŭna nie mohuć atrymać pašpart svajoj krainy», — skazała jana.
Hudzinskajcie pryznaje, što hetyja novyja abstaviny stvarajuć vialikuju prablemu dla Departamienta mihracyi, bo, pavodle jaje, nahruzka na ŭstanovu i tak vialikaja. Departamient prosić dadatkovaje finansavańnie. Jana havoryć, što ŭrad abiacaje jaho, ale pakul dadatkovych hrošaj nie było.
«Nie vy admaŭlajeciesia ad Radzimy, a jana ad vas». Śpiecyjalist praanalizavała psichałahičnaje vymiareńnie ŭkaza №278
«Adsutnaść pašparta — nie kaniec śvietu». Supracoŭniki Centra biełaruskaj salidarnaści ŭ Polščy raskazali pra składanyja spravy
Cichanoŭskaja abmierkavała prablemy biełarusaŭ u MUS Litvy
Viačorka raskryŭ vierahodnyja terminy pačatku vydačy alternatyŭnych biełaruskich pašpartoŭ i nazvaŭ kolkaść krain, užo hatovych ich pryznać
Zakančvajecca biełaruski pašpart. I što ciapier rabić? Parady advakata
Łukašenka pra adklučeńnie internetu ŭ 2020-m: Kali heta paŭtorycca, adklučym zusim25
Kamientary