U Biełastoku zapracavała biełaruskaja škoła. U jaje zapisałasia bolš za 40 dziaciej
U škole vučać biełaruskaj movie i litaratury, a taksama vykładajuć pradmiet, viadomy pad nazvaj «Maja radzima — Biełaruś», ci «Čałaviek i śviet». Ź jaho vučni atrymlivajuć viedy ź biełaruskaj historyi, kultury i hieahrafii.
Biełaruskaja škoła ŭ Biełastoku — heta filijał Biełaruskaj škoły ŭ Varšavie. Jana bolš viadomaja jak škoła Alesia Łozki.
Pa słovach zahadčyka filijału Aleha Jurčyka, arhanizavać biełaruskaje navučańnie dla dziaciej ź siemjaŭ biełaruskich emihrantaŭ, bolšaść ź jakich apynułasia na čužynie z-za pieraśledu na radzimie, było niaprosta.
Polskaje zakanadaŭstva dazvalaje pravodzić takija zaniatki ŭ škołach tolki dla pradstaŭnikoŭ nacyjanalnych mienšaściaŭ z polskim hramadzianstvam.
Ciaham troch hadoŭ rupliŭcy biełaruskamoŭnaha školnictva ŭ Biełastoku šukali vyjścia ź niaprostaj pravavoj situacyi i byli ŭściešanyja prapanovaj Alesia Łozki supracoŭničać ź jaho škołaj u jakaści filijału.
Biełastocki filijał pracuje jak škoła vychadnoha dnia. Zaniatki pravodziacca ŭ suboty dla vučniaŭ 1-4 kłasaŭ. Dźvie hadziny adviedziena na vyvučeńnie biełaruskaj movy i litaratury. Čaćvierakłaśniki hadzinu buduć jašče prachodzić kurs «Čałaviek i śviet».
Achvotnych vučycca pa-biełarusku ŭ Biełastoku źbirali ankietavańniem.
Byli zajaŭki na navučańnie ŭ biełaruskaj škole i ad baćkoŭ, čyje dzieci chodziać u starejšyja kłasy, ale ź ich pakul nie ŭdałosia sabrać hrup, pryznajecca Jurčyk. Jon spadziajecca, što na nastupny hod kłasaŭ budzie bolš.
Usiaho ŭ škołu zapisałasia bolš za 40 dzietak. U pieršy dzień, 2 vieraśnia, na zaniatki pryjšli kala dvaccaci.
«Dzieci 5 dzion na tydzień chodziać u polskija škoły, a ŭ subotu buduć prychodzić da nas, kab nie tolki razmaŭlać i vučycca pa-biełarusku, ale i kab paznajomicca sa svaimi biełaruskimi adnahodkami. Budziem spadziavacca, što dziakujučy našaj škole jany pasiabrujuć na ŭsio žyćcio. Siarod našych zadač zachavać i pašyryć biełaruskamoŭnaje asiarodździe», — tłumačyć Aleh Jurčyk.
Adzin z baćkoŭ adznačyŭ, što biełarusy pavinny viedać biełaruskuju movu navat na čužynie, bo nacyjanalnaja mova — heta toje, što adroźnivaje ich ad inšych.
«Tut vielmi šmat biełaruskich dziaciej i dla ich važnaje biełaruskamoŭnaje asiarodździe. Dzieci pavinny viedać, što biełarusy havorać pa-biełarusku, — kaža jon. — Sam ja ź Minska i tam zusim nie čuŭ biełaruskaj movy. U mianie nie było biełaruskamoŭnaha asiarodździa. Moj syn ciapier upeŭnieny, što ludzi ŭ śviecie havorać pa-biełarusku, i jamu heta treba».
U biełaruskaj škole pracujuć čatyry nastaŭniki, jakija zacikaŭlenyja, kab biełaruskija dzieci vučylisia pa-biełarusku i razmaŭlali pa-biełarusku, zapeŭnivaje Aleh Jurčyk. Sam jon budzie vykładać biełaruskim dzieciam kurs «Čałaviek i śviet».
Pa jaho słovach, z adkryćciom škoły byli finansavyja pytańni, jakija nie dazvolili ažyćciavić toje, što zadumvałasia pieršapačatkova. Isnujuć prablemy z padručnikami i inšymi školnymi dapamožnikami. Ale hetyja pieraškody pieraadolnyja, kaža Jurčyk.
Zaniatki ŭ biełaruskaj škole prachodziać u biełastockim centry hramadskaj aktyŭnaści na vulicy Śviatoha Rocha, 3. Hety asiarodak abstalavany ŭsim nieabchodnym dla navučańnia.
Takija ž filijały, jak u Biełastoku, źjavilisia sioleta ŭ Hdańsku i Krakavie.
«Naša Niva» — bastyjon biełaruščyny
PADTRYMAĆHladzicie taksama:
U Mahilovie pajšli vučycca ŭ biełaruskamoŭny kłas tolki piać pieršakłaśnikaŭ
Jakija pryvatnyja škoły ciapier pracujuć i kolki tam kaštuje navučańnie
Sabrać dzicia ŭ škołu: ceny paraŭnoŭvajuć baćki ŭ Biełarusi, Litvie i Polščy
«Piakielnaje śviata vyjšła. Z achviaraprynašeńniem». Žychary Vałožyna paviedamlajuć pra raspravu nad katami i sabakami4
Kamientary
Našaja mova - praciah movy Rusi i Vialikaj Litvy, a ichniaja - ubohi dyjalekt bałharska-tatarskaj.
Našaja kultura - jeŭrapiejski šlach, ichniaja - dehradacyja