Śviet1111

Nakolki niebiaśpiečny tranq — novy narkotyk, jaki zachoplivaje Amieryku?

Amierykanskija ŭłady ŭsturbavanyja. Narkotyk maje surjoznyja pabočnyja efiekty, i antydotu niama.

Fota: vecteezy

U pačatku 2010-ch u Rasii i krainach Uschodniaj Jeŭropy atrymaŭ raspaŭsiudžańnie kašmarny narkotyk — «krakadził». Hety tanny zamieńnik hierainu, vyrableny ŭ kuchonnych «łabaratoryjach», daryŭ karystalnikam łuskavatuju skuru i hnojnyja rany. Ciapier padobny pa škodnaści preparat — fientaniłavaja sumieś, viadomaja jak tranq — navodzić žach u ZŠA.

Z 2019 hoda kolkaść śmierciaŭ, źviazanych ź fientaniłam, pavialičyłasia ŭ Štatach amal u čatyry razy. U minułym miesiacy Bieły dom abviaściŭ ab płanie spynić jaho raspaŭsiudžvańnie. Dastatkova viedać usiaho paru rečaŭ, kab žadańnie pasprabavać u patencyjnaha novaha karystalnika adpała zusim.

Tranq spałučaje ŭ sabie fientanił (sintetyčnaje apioidnaje rečyva) z ksiłazinam (jon ža «tranq» — mocny nieapioidny trankvilizatar, jaki vykarystoŭvajecca dla zaspakajeńnia koniej, aleniaŭ dy inšych bujnych žyvioł).

The Economist raspaviadaje, što ŭpieršyniu jon byŭ zaŭvažany orhanami pa baraćbie z narkotykami jašče ŭ pačatku 2000-ch hadoŭ u Puerta-Ryka. Ale ciapier narkotyk byŭ vyjaŭleny amal va ŭsich amierykanskich štatach, što niepakoić ułady ZŠA.

Na kitajskich veb-sajtach ksiłazin možna kupić usiaho za 6 dalaraŭ za kiłahram, tamu pastaŭščyki zabaronienych narkotykaŭ mohuć maksimizavać svaje prybytki, vykarystoŭvajučy jaho dla źmiešvańnia z daražejšym fientaniłam, jaki pastaŭlajecca ŭ asnoŭnym mieksikanskimi narkakartelami. Mnohija kančatkovyja karystalniki nie buduć viedać, kuplajuć jany fientanił abo trankvilizatar.

I heta vialikaja padstava dla turboty. Niahledziačy na ​​toje, što tranq chimična adroźnivajecca ad «krakadziła», dziejničaje na arhanizm jon padobnym čynam. Jon taksama vyklikaje hłybokija niekratyčnyja rany, u jakich skura i myšcy prosta zahnivajuć. Takija rany mohuć lohka infikavacca, što pryvodzić da amputacyi kancavin. Vialikija dozy mohuć vyklikać stratu prytomnaści, što robić narkazaležnaha lohkaj mišeńniu dla napadu abo rabavańnia.

Mahčyma, jašče bolš tryvožnym źjaŭlajecca toje, što «Nałakson» — ekstrany srodak ad pieradaziroŭki sintetyčnymi apijoidami kštałtu fientaniłu — nieefiektyŭny suprać nieapioidaŭ, takich, jak ksiłazin. «Nałakson» niadaŭna byŭ uchvaleny ŭ ZŠA dla biezrecepturnaha prodažu i vykarystańnia bieź miedyčnaha kantrolu. Jon uździejničaje na apijoidnyja receptary ŭ hałaŭnym mozhu, niejtralizujučy efiekty dziejańnia takich rečyvaŭ, jak fientanił: u pryvatnaści, pryhniataje dychańnie. Ale dla ksiłazinu takija antydoty nie byli zaćvierdžanyja. Heta aznačaje, što čałavieku, jaki ŭžyŭ narkotyk, dla vyžyvańnia moža spatrebicca bolš, čym tolki «Nałakson» — naprykład, dadatkovy kisłarod i padtrymka dychańnia.

Tym nie mienš, amierykanskija narkołahi kažuć, što sintetyčnyja apijoidy zastajucca ich hałoŭnaj prablemaj. Z kožnym hodam jany zabivajuć usio bolš i bolš amierykancaŭ, tolki ŭ 2021 hodzie jany zabrali kala 70 000 žyćciaŭ. Dla paraŭnańnia, u tym hodzie ŭ aŭtakatastrofach u ZŠA zahinuła kala 43 000 čałaviek.

Ułady ŭsprymajuć vyklik surjozna. U lutym Upraŭleńnie pa kantroli za charčovymi praduktami i miedykamientami abviaściła, što pačnie praviarać impartny ksiłazin, jaki možna lehalna kuplać dla vykarystańnia ŭ vieterynaryi. Padazronyja pastaŭki buduć zatrymlivacca. Tym nie mienš, ekśpierty padazrajuć, što tranq budzie praciahvać raspaŭsiudžvacca.

Kamientary11

  • Iz SŠA
    04.09.2023
    Nie vieriťsia čto kto-to riealno budiet s etim boroťsia. V SŠA die-fakto s prichodom Bajdkna i jeho kliki k vłasti s narkotoj pieriestali boroťsia. Oni sčitajut čto narodu śliškom mnoho i nado izbavlaťsia ot nieho lubymi putiami, tak čto čiem bolšie vybirajet tiem łučšie. Kłaśsika kapitalizma- maltuzianstvo (ili žie jevhienika - amierikanskaja raznovidnosť) na praktikie.
  • Zusim užo
    04.09.2023
    Šahoŭnyja...,
    šahoŭny, pa-pieršaje, heta nie pieradruk "miaduzy". Spasyłka na asnoŭny materyjał paznačana ŭ tekście, čytajcie ŭvažliviej.
    Pa-druhoje, dzie tut vatnaja prapahanda ŭ tekście - tolki vam adnamu, napeŭna, zrazumieła...
  • Mafkees
    04.09.2023
    Iz SŠA,

    Biehi iz Amieriki poka nie pozdno. Poka tiebia nie shnobili(na osnovie jevhieniki i maltuzianstva koniečno). Dietiški budut vynuždieny kušať krys s kietčupom,a tiebia i žienu zastaviat zanimaťsia prostitucijej,čtob za diešievyj motiel zapłatiť. I eto možieš sčitať čto tiebie jeŝie poviezło.Złyje anhło-saksy tiebia užie prosto tak nie otpustiat,oni budut staviť na tiebie raznyje opyty,a v zadnij prochod ustanoviat vyšku 5G,čtob ty chodił i vsiem razdavał intierniet. Čiem ty dumał kohda tuda pojechał?! Čiem tiebie Ivacevičy abo Škłou nie nraviliś?

Papularny polski treveł-błohier raskazaŭ pra svaju pajezdku ŭ Biełaruś i daŭ parady3

Papularny polski treveł-błohier raskazaŭ pra svaju pajezdku ŭ Biełaruś i daŭ parady

Usie naviny →
Usie naviny

Abrańnik Marharyty Laŭčuk raskazaŭ, jak paznajomiŭsia ź joj i daviedaŭsia pra dzicia9

«Niaŭžo my, vierniki Biełarusi, zasłužyli takoje pakarańnie?» Parafija začynienaha Čyrvonaha kaścioła źviarnułasia da Natalli Piatkievič5

KR padpisała miemarandum z ukrainskim fondam, zasnavalnik jakoha prasłaviŭsia frazaj «ukraincy zasłužyli vajnu»30

Bondarava nazvała Dziermanta «patłatym chłopčykam», jaki «prajaviŭ svoj łatentny homaseksualizm»15

Kolki dziaržava atrymała za eks-Mcdonald's

Učora na Biełaruś zalacieŭ rasijski šachied. Što heta było?4

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 1

Eduardu Babaryku dadali paŭtara hoda źniavoleńnia2

bolš čytanych navin
bolš łajkanych navin

Papularny polski treveł-błohier raskazaŭ pra svaju pajezdku ŭ Biełaruś i daŭ parady3

Papularny polski treveł-błohier raskazaŭ pra svaju pajezdku ŭ Biełaruś i daŭ parady

Hałoŭnaje
Usie naviny →