Hajdukievič raskazaŭ pra svoj razvod z žonkaj, prablemy sa zdaroŭjem i hałoŭny kanflikt z baćkami

Pryčynaj razvodu jon nazvaŭ svaju zaniataść.

— Tamu što žyŭ karjeraj, byŭ niedastatkova ŭvažlivym da žonki, nie zdoleŭ paźbiehnuć razvodu.

Jon raskazaŭ, jak heta było, i pra toje, što navučyŭsia adychodzić ź siamji ad baćki.

— U svoj čas baćka, kali razvodziŭsia, pajšoŭ, zachapiŭšy mianie, škarpetki i furažku. I ja, kali raźvioŭsia sa svajoj žonkaj, uziaŭ tolki sabaku. Mužyk pavinien usio pakidać žančynie i dzieciam. Heta soram, kali praz sud i skandały para dzielić štory i kastruli, a mužyki biehajuć ad alimientaŭ.

Dobryja adnosiny pamiž byłymi sužencami, pavodle Hajdukieviča, zachavalisia:

— My ź joj u vydatnych adnosinach, nas pa-raniejšamu abjadnoŭvaje kłopat ab dzieciach. Darečy, žyvioł ja baču kožny dzień. [Sabaka] Aksi žyvie sa mnoj, a sibirski kot zastaŭsia z byłoj žonkaj.

Pavialičyć

Hajdukievič dadaŭ, što čarapacha pierajechała ŭ ofis, a dva katy-padkidyšy — da baćkoŭ palityka.

Akramia taho, lidar Libieralna-demakratyčnaj partyi dadaŭ, što jon nie abmiarkoŭvaje publična svaje ŭzajemaadnosiny z žančynami. 

Taksama Hajdukievič raspavioŭ, što ledź nie davioŭ siabie da dyjabietu.

— Usio žyćcio zmahajusia ź lišniaj vahoj. Nie tak daŭno staŭ važyć 120 kiłahramaŭ. Pryjšoŭ da doktara, zdaŭ kroŭ — amal cukrovy dyjabiet druhoha typu. Prapisali tabletki, sprahnazavaŭšy, što praź niejki čas pryjdziecca sieści na insulin. Ja vyjšaŭ ad doktara, vykinuŭ leki i pastaviŭ zadaču schudnieć. I skinuŭ 30 kiło. Prosta paśla 14:00 pierastaŭ jeści. Dumaŭ, što adkryŭ novuju dyjetu, a akazałasia, heta intervalnaje haładańnie, jaho da mianie daŭno prydumali. Plus sport. Šmat čaho pierasprabavaŭ — spyniŭsia na baskietbole. Jašče trenažornaja zała i prahułki.

Taksama jon choć i błytana, ale raspavioŭ, jak staŭ milicyjanieram. Kaža, što heta byŭ «hałoŭny kanflikt pakaleńniaŭ» u jaho žyćci.

«Moj baćka, jak vajskoviec, jaki prajšoŭ vajnu ŭ Iraku, chacieŭ, kab ja praciahnuŭ jahonuju spravu. Dzied — supracoŭnik KDB. Babula — viadomy ŭ krainie bankir. A maci raiła, kab ja padaŭsia ŭ biznesmieny. Kaho ŭ siamji nie było, dyk heta milicyjantaŭ. Tamu ja tudy pajšoŭ. A heta byŭ čas, kali dziaŭčaty hanarylisia, što paznajomilisia na dyskatecy z kryminalnymi aŭtarytetami», — patłumačyŭ Hajdukievič.

Hajdukieviča paprasili raskazać aniekdot. Jon raspavioŭ taki:

— Adrazu prychodzić u hałavu žart pra sapraŭdnaha ideołaha. Dobry, kažuć, toj, jaki paśla śmierci jašče try dni ŭ trunie prahavoryć. Dyk voś, ja spadziajusia, što paśla śmierci zmahu prahavaryć piać dzion.

• 5
• 12
• 57
• 2
• 4
• 20