Jak u Baranavičach zdymajuć kino pra lehiendarnaha savieckaha futbalista
Haradski stadyjon Baranavičaŭ na niekalki tydniaŭ pieratvaryŭsia ŭ paŭnacennuju zdymačnuju placoŭku. Tut prachodziać zdymki rasijskaha filma pra karjeru lehiendarnaha futbalista Fiodara Čarankova. Karespandenty «NK» naviedali kinaplacoŭku.
![](http://d3kcf2pe5t7rrb.cloudfront.net/img/w840d4webp1/photos/z_2023_08/2e73tcx4wr2m2whjf1k836xn5e2dpk82-w17pu.jpg.webp)
Prajazdžajučy mima haradskoha stadyjona, nielha nie zaŭvažyć kinošnaj dźvižuchi: vielizarnaja kolkaść transpartu, techniki, stoŭpišča ludziej. Z hučnahavaryciela akcioram pieradajuć ukazańni. Na ŭsialaki vypadak dziažuryć chutkaja, ale pakul mieddapamoha nikomu nie spatrebiłasia. Jość asobny namiot z vadoj i haračymi napojami dla kava-paŭzy.
U hałoŭnych rolach filma z pracoŭnaj nazvaj «Fiedzia. Narodny futbalist» zdymajucca Mikałaj Famienka, Ihar Piatrenka, Alaksandr Nosik, Barys Ščarbakoŭ i inšyja. U roli Fiodara Čarankova — Stanisłaŭ Rumiancaŭ.
U niekalkich namiotach pracujuć dziasiatki cyrulnikaŭ, hrymioraŭ, jakija pieraŭvasablajuć akcioraŭ druhoha płana: jany pavinny vyhladać, jak u 1980-ja. Dziejańnie ŭ filmie pieranosić na sorak hadoŭ tamu, kali ŭ modzie byli hustyja šavialury, naturalnaja pryhažość. Kaho treba — zrobiać pažyłym z dapamohaj nakładnych marščyn, kamu zrobiać modnuju paŭstahodździa tamu ŭkładku.
![](http://d3kcf2pe5t7rrb.cloudfront.net/img/w732d4webp1/photos/z_2023_08/ld6q5e2a01a6q5m75y53h5j5754qlw4v-1g4vu.jpg.webp)
Adzin z hrymioraŭ raspaviadaje, što dla stvareńnia vobrazaŭ detalova vyvučajecca materyjał tych hadoŭ:
— U modzie byli doŭhija vałasy, tamu niekatorym nakručvajem vałasy na tonkuju płojku, imitujem chimzaviŭku, robim načos, u tym liku i mužčynam. Kleim vusy. Dla hałoŭnych hierojaŭ stvarajucca śpiecyjalnyja paryki z naturalnych vałasoŭ.
Pobač z pamiaškańniem la trybun i ŭsiaredzinie jaho raźmiaścilisia prymieračnyja. U ich mora adzieńnia i abutku, jakich u 2020-ja ŭ kramach nie znojdzieš —– ich pryvoziać z Maskvy, dzie jość vializny skład ź vintažnymi rečami. Niešta šyjuć na zakaz. Pracuje bolš za dziasiatak kaściumieraŭ, prymierana bolš za tysiaču kamplektaŭ.
![](http://d3kcf2pe5t7rrb.cloudfront.net/img/w732d4webp1/photos/z_2023_08/56ki1aqa6akzemw4m3d82ssvx3xzh32e-l76be.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/uhaqcn034sebrrac8oeuspqqvr0arerz-sxdxm.jpg.webp)
Na łaŭcy čakajuć svajoj hadziny damy. Pa scenary — jany taksama zaŭziatarki. Žycharka horada Kaciaryna — adna ź ich.
![](http://d3kcf2pe5t7rrb.cloudfront.net/img/w732d4webp1/photos/z_2023_08/auubb7q8g0a7m09hhr9jq8qooujws3s1-b6lxo.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/behtuly2wixq7cmkqpla4drx0jlycyd3-kl47r.jpg.webp)
— Lublu kino, mnie heta cikava. Dośviedu kinazdymak u mianie nikoli nie było, vyrašyła pasprabavać. Pryjšła na kastynh u niadzielu, — raspaviadaje Kaciaryna. — Voś jaki ŭ mianie chvost na bok, adzieńnie, abutak — vyhladaju kałarytna!
Volha Hołubieva, asistent režysiora pa akciorach druhoha płana i jaje kalehi pravodziać rabotu pa adbory masoŭki. Za dzień na zdymačnuju placoŭku prychodzić kala 300 čałaviek, a ŭ asobnyja dni zdymak navat bolš.
— Było spačatku krychu strašnavata, ci zmožam my ŭ Baranavičach nabrać patrebnuju nam kolkaść akcioraŭ, ale vašy ludzi akazalisia nastolki spahadlivymi! — kaža Volha. — Kali 13 žniŭnia my abviaścili zbor, pryjšło 500 čałaviek. U pryjarytecie — naturalnaja pryhažość, biez naroščanych viejek i paznohciaŭ. Ludzi hatovyja achviaravać svaim časam, znachodzicca pad soncam, hruba kažučy, 12 hadzin.
— Adna dziaŭčyna pryjšła z naroščanymi paznohciami i skazała, što praz 10 chvilin zdymie ich, aby źniacca ŭ epizodzie, — raspaviała Volha Hołubieva.
Pa słovach Volhi, užo ŭ 7:30, zahadzia, akciory druhoha płana pačynajuć prychodzić na stadyjon.
— Heta vielmi niaprostaja praca, praŭda. Paŭnavartasnaja źmiena — z 8 da 20 hadzin. Jość pierapynak na abied — my akcioraŭ kormim, jość niekalki kava-paŭzaŭ, — raspaviadaje Volha.
Na ŭvachodzie z boku vulicy Vojkava repiecirujuć kryčałki «futbolnyja fanaty» ŭ bieła-čyrvonym — firmovych kolerach rasijskaha «Spartaka».
![](http://d3kcf2pe5t7rrb.cloudfront.net/img/w732d4webp1/photos/z_2023_08/waerapo7ec4z6zgfpxmwwzu8txrl892s-1l0ky.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/mzzpbsgfr9xved1onpmooj3996vxctsm-z2rss.jpg.webp)
Na vulicy — vyšej za +30. Mnohija — u viazanych šalikach, koftach, džynsach i abutku taho času. Akciory padzielenyja na hrupy, tamu ŭ niekatorych jość čas pasiadzieć u cieni pad parasonam, aśviažycca vadoj.
![](http://d3kcf2pe5t7rrb.cloudfront.net/img/w732d4webp1/photos/z_2023_08/xanyqt882fywpdgistd0swy0uuhwvf4n-jc1gs.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/e95b95at87r6wh2fjocuf4hj8w2hdf80-kgnwj.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/7cfdv8mt3bqei300ohxgkjh131ui3a6n-afjx7.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/8c5302pu1absxrwkq19wpsq7fqzvwmqp-mciz0.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/5dc5ihocotagaxbfy8nhbiom0m3f169y-rqekm.jpg.webp)
Pradstaŭnik PR-ahienctva «Ivan» Alaksiej Niakludaŭ adznačaje, što ŭ zdymačnaj hrupie — kala 200 čałaviek. U horadzie spynialisia chto dzie — u haścinicach, na kvaterach. 17 žniŭnia — pieršy vychadny, źbirajucca naviedać park žyvioł «Dypryz», muziej čyhunki, pradehustavać miascovyja «łodački».
— Niaprosta było znajści stadyjon, jaki nam padychodzić, ale ŭsio atrymałasia. Jon arandavany, pabudavany dekaracyi, paśla zdymak usio demantujem i vierniem, jak było pieršapačatkova. Chatnija hulni FK «Baranavičy» prachodziać u Ivacevičach, zaŭziatary naviedvajuć ich, — kaža Alaksiej. — Ź ich dastaŭkaj tudy i nazad my taksama dapamahajem. Zdymki ŭ našym horadzie praciahnucca da kanca žniŭnia, potym hrupa adpravicca ŭ Barysaŭ, dzie taksama buduć budavacca vialikija dekaracyi. Načnyja sceny zdymuć na stadyjonie «Dynama-Minsk», paśla praciahnucca paviljonnyja zdymki.
![](http://d3kcf2pe5t7rrb.cloudfront.net/img/w732d4webp1/photos/z_2023_08/2blliay1h2fmkkx2tutstez311wrfyfp-j4w5j.jpg.webp)
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary