U śpisie navučalnyja ŭstanovy, jakija sioleta nabirajuć kłasy ź biełaruskaj movaju navučańnia.
Minsk
U himnazii № 4 (Frunzienski rajon, vulica Kuncaŭščyna, 18) płanujuć nabrać 96 pieršakłaśnikaŭ. Kolki ź ich budzie vučycca pa-biełarusku, vyznačycca paźniej. U himnazii z biełaruskaj movaju pahłyblena vyvučajecca anhlijskaja, a taksama dajucca viedy ŭ halinie infarmacyjnych technałohijaŭ, muzyčnaha mastactva.
U himnazii № 9 (Pieršamajski rajon, vulica Siadych, 10) nabirajuć dva biełaruskija kłasy z 48 vučniami. Biełaruskamoŭnaje navučańnie sumiaščajecca z pahłyblenym vyvučeńniem anhlijskaj movy i polskaj fakultatyŭna. Tut vučać pradmietam muzyčnaha cykła.
Himnazija № 14 (Zavodski rajon, vulica Vaśniacova, 10) štohod nabiraje biełaruskamoŭnyja kłasy. Sioleta nie vyklučeńnie, skazali ŭ himnazii. Pakul, adnak, nie vyznačana, kolki pieršakłaśnikaŭ budzie vučycca ŭ himnazii pa-biełarusku.
Razam z biełaruskamoŭnym navučańniem u himnazii dajuć pahłyblenyja viedy pa zamiežnych movach. Vykładajucca taksama śpieckursy pa mifałohii, psichałohii, asnovach ekanamičnych viedaŭ, žurnalistycy.
U biełaruskamoŭnaj himnazii № 23 (Saviecki rajon, praśpiekt Niezaležnaści, 45) płanujuć nabrać dva pieršyja kłasy. Płanujecca, što ŭ ich buduć vučycca 52 vučni. U himnazii vykładajucca anhlijskaja, kitajskaja, polskaja movy.
U himnazii № 28 (Leninski rajon, vulica Rakasoŭskaha, 93) navučańnie całkam biełaruskamoŭnaje. Sioleta, jak i ŭ papiarednija hady, nie abyducca bieź biełaruskich kłasaŭ.
Kolkaść pieršakłaśnikaŭ pakul nieviadomaja. U davažku da biełaruskaj movy dziaciej pahłyblena vučać francuzskaj i anhlijskaj movie.
U škole № 60 (Maskoŭski rajon, vulica Libkniechta, 82) sioleta nabirajuć adzin kłas ź biełaruskaj movaju navučańnia.
Adzin biełaruskamoŭny kłas źjavicca ŭ 72-j minskaj škole (Partyzanski rajon, vulica Chałmahorskaja, 59).
Pačatkovaja škoła № 112 (vulica Ubareviča, 142 — Zavodski rajon) taksama nabiraje adzin biełaruskamoŭny kłas.
Mahiloŭ
1 kłas ź biełaruskaj movaj navučańnia nabirajuć u škole № 1.
U joj užo jość try biełaruskamoŭnyja kłasy ź nievialikaj kolkaściu vučniaŭ. Kali ŭ baćkoŭ źjavicca žadańnie addać tudy svaich dziaciej, to prablemaŭ z hetym nie ŭźniknie. Škoła № 1 u centry horada, na vulicy Pieršamajskaj, 24.
U miascovaj škole № 34 prymuć novych vučniaŭ u isnujučyja biełaruskamoŭnyja 2, 4, 6 i 8 kłasy.
Nabirać pieršakłaśnikaŭ sioleta tut nie płanujuć.
Škoła znachodzicca ŭ Zadniaproŭi na vulicy Habraŭskaja, 16.
Dźvie zhadanyja škoły čarhujucca ŭ nabory pieršakłaśnikaŭ. Hod adna, zatym hod druhaja.
Hrodna
U Hrodnie biełaruskamoŭnych pieršakłaśnikaŭ čakajuć u miascovaj škole № 32, jakaja mieścicca na vulicy Limoža, 11.
«Tradycyja zachavałasia dahetul», — skazali ŭ škole pra biełaruskamoŭnaje navučańnie.
Pakul u kłas zapisałasia 5 vučniaŭ.
Kłas ź biełaruskaj movaju navučańnia nabirajuć taksama ŭ 34-j škole. Jaje adras: Indurskaja šaša, 14.
Pakul vučycca pa-biełarusku ŭ hety kłas baćki addali traich dzietak.
U Hrodnie biełaruskamoŭnyja kłasy nabirajuć ciaham apošnich 10 hadoŭ.
Homiel
U Homieli biełaruskamoŭnych pieršakłaśnikaŭ čakajuć u himnazii № 36 imia Ivana Mieleža.
Ciapier u kłas nabirajuć dziaciej, jakija prapisanyja pa adrasach, zamacavanych za navučalnaj ustanovaj. Dziaciej ź inšych rajonaŭ zapišuć u jaho, kali zastanucca volnyja miescy. Baćki takich pieršakłaśnikaŭ musiać paznačyć u zajavie, što jany prosiać razhladzieć mahčymaje zaličeńnie.
Trapić u biełaruskamoŭny kłas lahčej, čym u ruskamoŭny, kažuć u himnazii.
Brest
U Breście na biełaruskaj movie vučać z 1 da 4 kłasa ŭ himnazii № 3.
Z 5 kłasa pačynajecca ruskamoŭnaja škoła, skazali ŭ administracyi Leninskaha rajona horada.
Zapisać dziaciej u himnaziju možna tolki pry najaŭnaści vakantnych miescaŭ, bo pieršakłaśnikaŭ nabirajuć pa terytaryjalnym pryncypie.
Baćkam, jakija chočuć vučyć dziaciej pa-biełarusku, varta źviartacca da administracyjaŭ škoł i himnazijaŭ. Nieabchodna prahladać abviestki na sajtach navučalnych ustanoŭ i rajonnych adździełaŭ adukacyi.
Zajavy na zaličeńnie ŭ škoły prymajucca da 15 žniŭnia. Ich majuć razhledzieć da 28 žniŭnia. Jak praviła, u biełaruskamoŭnyja kłasy vučniaŭ biaruć na praciahu hoda.
«Naša Niva» — bastyjon biełaruščyny
PADTRYMAĆHladzicie taksama:
Jutubier vykłaŭ piać arhumientaŭ, čamu nie pierachodzić na ruskuju movu ŭ jutubie
Jak skłałasia žyćcio Jalinki, adzinaj biełaruskamoŭnaj vučanicy ŭ Mahilovie ŭ svoj čas?8
Kamientary
Pry hetym navat u niekatorych tak zvanych škołach pa-biełarusku dzieciam možna budzie vučycca tolki pieršyja čatyry kłasy, a dalej pieravučvać usie spaznanyja viedy i paniaćci pa-rasijsku - što heta, kali nie naŭmysny dematyvatar pačynać navučańnie pa-biełarusku z boku čynoŭnikaŭ ad adukacyi? A ŭžo paśla škoły ŭvohule nidzie ŭ Biełarusi niemahčyma praciahnuć navučańnie pa-biełarusku - niama anivodnaha prafiesijna-techničnaha liceja, siarednie-śpiecyjalnaha kaledža, najvyšejšaha ŭniviersiteta, akademii ci instytuta, dzie b mahčyma było ažyćciavić svajo prava na vybar movy atrymańnia adukacyi i abrać biełaruskuju. Darečy, pra heta aŭtaru varta było b taksama ŭzhadać u artykule!
Nu i da novaha navualnaha hoda raju NN padrychtavać materyjał, dzie biełarusy zamiežža mohuć dać svaim dzieciam adukacyju na svajoj movie.
A toje, što z movaj u škołach katastrofa, heta ničoha nie skazać. Tolki nikoho heta nie biantežyć