Unikalnyja artefakty znoŭ znajšli na miescy byłoj zaharadnaj rezidencyi połackich kniazioŭ
Dvuchtydniovaja archieałahičnaja ekśpiedycyja Instytuta historyi NAN Biełarusi na bierazie voziera Čarśćviady Ušackaha rajona čarhovy raz akazałasia paśpiachovaj. Archieołahi znajšli ŭnikalnyja artefakty, jakija, vierahodna, naležali połackim kniaziam, paviedamlaje Instytut historyi NANB.
«My ŭžo treci hod daśledujem byłuju zaharadnuju rezidencyju połackich kniazioŭ. Hetym razam znajšli redkuju płombu-piačatku, jakaja, mahčyma, naležała adnamu z połackich kniazioŭ, a siońnia padniali častku dziciačaj kieramičnaj śviściołki z vyjavaj kupała chrama», — raskazaŭ staršy navukovy supracoŭnik Instytuta historyi NAN Biełarusi kandydat histaryčnych navuk Marat Klimaŭ.
Malaŭničyja piejzažy voziera Čarśćviady ŭražvajuć i siońnia, a dzieviać stahodździaŭ tamu imi lubavalisia połackija kniazi. Čatyry hady tamu heta jašče, praŭda, staviłasia pad sumnieŭ, a siońnia ŭžo vyhladaje paćvierdžanym faktam.
Historyki abhruntavali, što ŭ Čarśćviadach znachodziłasia zaharadnaja rezidencyja połackich kniazioŭ XII stahodździa, archieołahi vyjavili jaje frahmienty ŭ 2019-m hodzie. Dzieviać stahodździaŭ historyi padzialaŭ mietr ziamli.
Tady ž znajšli i pieršaje paćviardžeńnie — kieramiku XII stahodździa, frahmienty vizantyjskich amfar, kluča, hiru dla ŭzvažvańnia maniet.
«Važna, što tady vyjavili i knižnuju zašpilku, a knihi ŭ XII stahodździ byli tolki ŭ Połacku, ich pierapisvańniem zajmałasia sama śviataja Jeŭfrasińnia», — padkreśliŭ Marat Klimaŭ.
Kali archieołahi znajšli śviściołku, to vykazali zdahadku, što kali tut u pieršaj pałovie XII stahodździa była rezidencyja połackich kniazioŭ, značyć, jašče maleńkaj, da adychodu ŭ manastyr, tut napeŭna byvała Jeŭfrasińnia Połackaja, adpačyvała, lubavałasia pryrodaj. I, mahčyma, tut, na ŭłońni pryrody, jana i zadumałasia pra manastva. Taksama mahčyma, što tut stajaŭ chram sa standartnymi avalnymi kupałami.
«Viadoma, heta tolki viersija. Ciapier sprabujem rabić rekanstrukcyju, a pa viartańni z ekśpiedycyi treba budzie jašče šerah pravierak», — skazaŭ Marat Klimaŭ.
Eks-kandydatku ŭ prezidenty Taćcianu Karatkievič pasadzili na 15 sutak16
Eks-kandydatku ŭ prezidenty Taćcianu Karatkievič pasadzili na 15 sutak
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary