«Fanfary, dziaržava dla naroda». Užo niekalki miesiacaŭ u mietro kruciać vystupy Łukašenki
Minčuki i hości stalicy mierkavali, što heta razavaja akcyja, ale Łukašenka nie źnik z ekranaŭ.
Na ekranach, jakija visiać na płatformach minskaha mietro, niekalki miesiacaŭ kruciać pramovy Alaksandra Łukašenki. Zvyčajna spačatku hučać fanfary, paśla niejkaja pramova palityka (naprykład, pra dziaržavu dla naroda ci štości ŭ takim duchu), i na zakančeńnie — znoŭ fanfary. Na fonie padčas hetaha — aficyjny hierb i čyrvona-zialony ściah.
Ludzi reahujuć pa-roznamu. Niekatoryja minčuki kažuć, što prosta nie źviartajuć uvahi na toje, što kruciać na ekranach.
Inšyja kamientujuć bolš rezka.
«Jak u Paŭnočnaj Karei siabie adčuvaješ. Usiudy — vialiki pravadyr», — dzielicca čałaviek uražańniami.
U apošnija hady ŭłady ŭzmacnili ideałahičnuju apracoŭku. Pa pradpryjemstvach i navučalnych ustanovach jeździać ź lekcyjami prapahandysty, pa telebačańni kruciać ura-patryjatyčnyja pieśni aŭtarstva Hanny Siałuk (psieŭdanim niaviestki Łukašenki), a da nastupnych vybaraŭ zapuścili «marafon adzinstva» — sieryju mierapryjemstvaŭ u padtrymku Łukašenki, jakija projduć u roznych haradach.
Pry hetym u krainie z 2020 hoda praciahvajucca masavyja represii. Tady Alaksandr Łukašenka, miarkujučy pa infarmacyi z učastkaŭ, dzie padlik hałasoŭ išoŭ u prysutnaści niezaležnych naziralnikaŭ, prajhraŭ Śviatłanie Cichanoŭskaj, ale nie addaŭ ułady.
Pa infarmacyi pravaabaroncaŭ, za 2020—2024 hady było zaviedziena bolš za 19 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Pa mnohich kryminalnych spravach prachodziać šmatlikija fihuranty.
Zhodna z infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii4
Kamientary