Pasolstva Polščy pieradało MZS Biełarusi dokazy parušeńnia pavietranaj prastory biełaruskimi viertalotami
U zajavie polskaha źniešniepalityčnaha viedamstva havorycca, što pieradadzienyja dokazy abviarhajuć pazicyju biełaruskaha boku, «vykładzienuju ŭ aficyjnych paviedamleńniach» MZS i Ministerstva abarony.
«My zaklikajem biełaruski bok terminova rastłumačyć hety incydent, skarektavać svaju pazicyju pa hetym pytańni i spynić usie pravakacyi ŭzdoŭž polska-biełaruskaj miažy», — adznačajecca ŭ zajavie dyppradstaŭnictva.
1 žniŭnia ŭviečary stała viadoma pra parušeńnie polskaj pavietranaj prastory z boku Biełarusi dvuma viertalotami.
Spačatku aficyjnaja Varšava admaŭlała fakt parušeńnia pavietranaj prastory, ale paźniej patłumačyła, što pierasiačeńnie miažy adbyłosia ŭ rajonie horada Biełavieža na vielmi nizkaj vyšyni, i heta ŭskładniła vyjaŭleńnie viertalotaŭ radyjołakacyjnymi sistemami.
U adkaz na incydent ministr nacyjanalnaj abarony Polščy Marjuš Błaščak addaŭ zahad ab pavieličeńni kolkaści vajskoŭcaŭ na miažy i razhortvańni dadatkovych sił i srodkaŭ, u pryvatnaści bajavych viertalotaŭ.
Ministerstva abarony Biełarusi admaŭlała fakt parušeńnia biełaruskimi viertalotami dziaržaŭnaj miažy, prytym spačatku rabiła heta ŭ ździeklivaj formie, a paśla pierajšło na bolš dziełavuju manieru kamunikacyi.
Učora premjer-ministr Polščy Matevuš Maraviecki i prezident Litvy Hitanas Naŭsieda sustrelisia ŭ Suvałskim kalidory. Jany prahnazujuć, što kolkaść pravakacyj z boku Rasii i Biełarusi budzie raści.
Učora taksama stała viadoma, što polskija vajskoŭcy pieravodziać svaje viertaloty bližej da biełaruskaj miažy.
Polšča nie vyklučaje zakryćcia ŭsich punktaŭ propusku na biełaruskaj miažy
U Pientahonie prakamientavali incydent ź biełaruskimi viertalotami, što zalacieli na terytoryju Polščy
Biełaruskija viertaloty zalacieli na terytoryju Polščy ŭ toj čas, jak Łukašenka treci dzień znachodzicca pobač u Viskulach — «Biełaruski Hajun»
MZS Polščy ličyć incydent ź viertalotami elemientam eskałacyi
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2828
Kamientary