Ceny na basiejny Minska na 2025 hod. U tym liku na novy Nacyjanalny

Źviartajem vašu ŭvahu, što ceny mohuć mianiacca, tamu lepš praviarać aktualnuju infarmacyju na sajcie ci pa telefonie.

Razavaje naviedvańnie

Razavaje naviedvańnie — najpraściejšy sposab acanić basiejn «znutry», zrazumieć, nakolki kamfortna vam budzie zajmacca tam rehularna. Adnak košt takich vizitaŭ adroźnivajecca i zaležyć jak ad času sutak, tak i ad katehoryi naviedvalnika (darosłaje, dzicia, student, piensijanier i inš.).

FAK «Mandaryn». Hadzina znachodžańnia ŭ vodna-termalnaj zonie dla darosłych — 17 rubloŭ, dla dziaciej — 14 rubloŭ. Całkam niadrenny varyjant dla tych, chto choča sumiaścić płavańnie z naviedvańniem termalnych pracedur, adnak košt vyšejšy za siaredni.

Pałac vodnaha sportu (vuł. Surhanava, 2a). Płavańnie ŭ 50-mietrovym basiejnie abydziecca ŭ 10,50 rub. za adno naviedvańnie. Razavy zaniatak pa akvaaerobicy — ad 9 da 11 rubloŭ za 45 chvilin, u zaležnaści ad času sutak.

Spartkompleks «Alimp» (vuł. Jakuba Kołasa, 2). Razavaje naviedvańnie (60 chvilin) kaštuje ŭ rajonie 12 rubloŭ (pry hetym dastupnyja saŭna i hidramasaž).

FAK «Biełdarbud» (vuł. Kalvaryjskaja, 37). 11,50—12 rubloŭ za adno naviedvańnie ŭ zaležnaści ad času sutak (dla studentaŭ i piensijanieraŭ jość źnižki).

SK «Łazurny» (vuł. Kazłova, 17a). Razavaje naviedvańnie — 13 rubloŭ.

Basiejn «Chvala» (vuł. Fabryčnaja, 18). Razavy bilet — 11 rubloŭ dla darosłych.

DIUSŠ «Jantar» (vuł. Lizy Čajkinaj, 12). Razavyja bilety pačynajucca ad 10,50—11,00 rubloŭ (u zaležnaści ad typu pasłuhi i ŭzrostu naviedvalnikaŭ).

FAK «Sierabranka» (vuł. Rakasoŭskaha, 44). Razavaje naviedvańnie ŭ dzionny čas (da 17:15) kaštuje 15 rubloŭ dla darosłych. Viačerni taryf — 18 rubloŭ.

Basiejn «Niaptun» (pr. Lubimava, 29). Cana: 10—11 rub. u zaležnaści ad pary dnia. 

Płavalny kompleks BDUFK. Razavaja treniroŭka abydziecca ŭ 10 rubloŭ dla darosłaha i 9,50 rubla dla dziciaci.

Frunzienski FAC (vuł. Jakuboŭskaha). Razavy ŭvachod kaštuje kala 12 rubloŭ dla darosłaha.

Azdaraŭlenčy centr BPAAC. 11 rubloŭ da 15:00 i 12,50 rubloŭ paśla 15:00 dla darosłych.

Mižnarodny płavalny kompleks na Kalvaryjskaj («Nacyjanalny»). Hety kompleks, pabudavany pry padtrymcy Kitaja i adkryty ŭ listapadzie, prapanuje płavańnie ŭ 50-mietrovym basiejnie za 15 rubloŭ i ŭ 25-mietrovym basiejnie — za 12 rubloŭ za 45 chvilin. Dla dziaciej praduhledžanyja źnižki.

U cełym, košt razavaha naviedvańnia ŭ Minsku pačynajecca ad 8—9 rubloŭ i moža dachodzić da 17—18 rubloŭ. Jak praviła, ceny nižejšyja ŭ spartyŭnych škołach, a ŭ kompleksach z pašyranym servisam abo vodna-termalnaj zonaj — vyšejšyja.

Abaniemienty dazvalajuć aščadzić 

Kali vy płanujecie rehularna chadzić u basiejn, maje sens nabyć abaniemient: heta dazvolić aščadzić da 20-30% ad koštu kožnaha naviedvańnia, a časam i bolš. 

Naprykład:

U Pałacy vodnaha sportu miesiačny abaniemient biez abmiežavańniaŭ pa časie kaštuje 120 rubloŭ. Abaniemient na 4 naviedvańni (da 17:45) daje košt 9 rubloŭ za sieans zamiest 10,50 rubloŭ pry razavym naviedvańni.

U basiejnie «Chvala» košt abaniemienta — 9 rubloŭ za naviedvańnie suprać 11 rubloŭ pry razavaj apłacie. 

A voś u FAK «Biełdarbud» abaniemient daje nievialikuju ekanomiju: usiaho kala 0,50 rub. za naviedvańnie ŭ paraŭnańni z razavym taryfam.

Varta zaŭvažyć, što niekatoryja kompleksy (naprykład, «Pinhvin», Swimming.by, «Mandaryn») prapanujuć pašyranyja pakiety, jakija ŭklučajuć nie tolki naviedvańnie basiejna, ale i spa-zonu, trenažornuju zału, a taksama dadatkovyja bonusy. 

Ceny ŭ takich vypadkach pačynajucca ad 35—40 rubloŭ za 4 naviedvańni ŭ miesiac i mohuć dachodzić da 300—500 rubloŭ za bieźlimitnyja ci kompleksnyja abaniemienty.

• 8
• 0
• 2
• 0
• 1
• 2
• 0
• 0