U Pientahonie prakamientavali incydent ź biełaruskimi viertalotami, što zalacieli na terytoryju Polščy
«My budziem i dalej pracavać, kab kožny kvadratny santymietr NATA zastavaŭsia ŭ biaśpiecy», — zajaviŭ aficyjny pradstaŭnik Pientahona Patryk Rajder.
Kamientujučy incydent ź biełaruskimi viertalotami, aficyjny pradstaŭnik Pientahona Patryk Rajder padkreśliŭ, što ZŠA niaźmienna addanyja abaronie biaśpieki krain NATA, piša «Jeŭrapiejskaja praŭda».
«My i nadalej budziem vielmi surjozna stavicca da biaśpieki NATA i budziem praciahvać pracavać razam z našymi sajuźnikami ŭ NATA nad tym, kab kožny kvadratny santymietr NATA zastavaŭsia ŭ biaśpiecy», — adznačyŭ jon.
Padrabiaźniej kazać pra incydent pradstaŭnik Pientahona admoviŭsia, dadaŭšy, što pazicyi sił NATA paśla hetych padziej nie źmianilisia.
Napiaredadni viečaram Minabarony Polščy paćvierdziła parušeńnie polskaj pavietranaj prastory z boku Biełarusi dvuma viertalotami.
Spačatku aficyjnaja Varšava admaŭlała fakt parušeńnia pavietranaj prastory, ale paźniej patłumačyła, što pierasiačeńnie miažy adbyłosia ŭ rajonie horada Biełavieža na vielmi nizkaj vyšyni, i heta ŭskładniła vyjaŭleńnie viertalotaŭ radyjołakacyjnymi sistemami.
U adkaz na incydent ministr nacyjanalnaj abarony Polščy Maryjuš Błaščak addaŭ zahad ab pavieličeńni kolkaści vajskoŭcaŭ na miažy i razhortvańni dadatkovych sił i srodkaŭ, u pryvatnaści bajavych viertalotaŭ.
Biełaruskija viertaloty zalacieli na terytoryju Polščy ŭ toj čas, jak Łukašenka treci dzień znachodzicca pobač u Viskulach — «Biełaruski Hajun»
Biełaruskija vajskovyja viertaloty zalacieli ŭhłyb terytoryi Polščy na 2 km, išli na nizkaj vyšyni
MZS Polščy ličyć incydent ź viertalotami elemientam eskałacyi
«Adna babka skazała». Minabarony ździekliva asprečyła parušeńnie polskaj miažy biełaruskimi viertalotami
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary