Va ŭzroście 103 hadoŭ pamierła Ahnieš Kieleci — spartoŭka, što pieražyła Chałakost i była samaj pažyłoj z alimpijskich miedalistak
Ahnieš Kieleci ŭvajšła ŭ historyju jak adna z samych paśpiachovych alimpijskich spartovak jaŭrejskaha pachodžańnia.
Vienhierka Ahnieš Kieleci, jakaja pieražyła Chałakost i była samaj pažyłoj ź siońnia žyvučych alimpijskich miedalistaŭ, pamierła ŭ Budapiešcie va ŭzroście 103 hadoŭ. Pra heta paviedamiła vienhierskaje dziaržaŭnaje infarmacyjnaje ahienctva, piša «Hołas Amieryki».
Kieleci była špitalizavanaja ŭ krytyčnym stanie ź pnieŭmanijaj 25 śniežnia.
Ahnieš Kieleci zavajavała 10 alimpijskich miedaloŭ pa spartyŭnaj himnastycy, uklučajučy piać załatych, dla Vienhryi na Hulniach u Chielsinki 1952 hoda i na Alimpijadzie ŭ Mielburnie 1956 hoda. Jana pieražyła stratu baćki i niekalkich svajakoŭ padčas Chałakostu. Kieleci źjaŭlajecca adnoj z samych paśpiachovych alimpijskich spartsmienak jaŭrejskaha pachodžańnia.
«Hetyja 100 hadoŭ zdalisia mnie jak 60, — skazała Kieleci ahienctvu Associated Press napiaredadni svajho 100-hodździa. — Ja dobra žyvu. I ja lublu žyćcio. Zdaroŭje jašče sa mnoju, i heta cudoŭna».
Naradziłasia Ahnieš Klajn u 1921 hodzie ŭ Budapiešcie. Jaje karjera była pierapynienaja Druhoj suśvietnaj vajnoj i admienaj Alimpijady 1940 i 1944 hadoŭ. U 1941 hodzie jaje vymušana vyklučyli z kamandy pa himnastycy z-za jaŭrejskaha pachodžańnia. Jana chavałasia ŭ vienhierskaj vioscy pad čužym imiem, pracujučy pakajoŭkaj.
Jaje maci i siastra pieražyli vajnu dziakujučy znakamitamu šviedskamu dypłamatu Raulu Valenbierhu, jaki vyratavaŭ tysiačy jaŭrejaŭ. Adnak baćka Ahnieš i inšyja svajaki zahinuli ŭ Aśviencimie.
Paśla vajny jana adnaviła svaju karjeru i źbirałasia ŭdzielničać u Alimpijskich hulniach 1948 hoda ŭ Łondanie, ale traŭma ščykałatki ŭ apošni momant sapsavała jaje nadziei.
Čatyry hady paźniej jana debiutavała na Alimpijskich hulniach 1952 hoda ŭ Chielsinki va ŭzroście 31 hoda, zavajavaŭšy załaty miedal u volnych praktykavańniach, a taksama srebra i dźvie bronzy. U 1956 hodzie jana stała samaj paśpiachovaj spartsmienkaj na Alimpijadzie ŭ Mielburnie, zavajavaŭšy čatyry załatyja i dźvie srebranyja miedali.
Kali jana stała samaj uzrostavaj załatoj miedalistkaj u historyi spartyŭnaj himnastyki va ŭzroście 35 hadoŭ u Mielburnie, Saviecki Sajuz uvioŭ vojski ŭ Vienhryju paśla niaŭdałaha antysavieckaha paŭstańnia.
Kieleci zastałasia ŭ Aŭstralii i paprasiła palityčnaha prytułku. Paśla jana imihravała ŭ Izrail i treniravała izrailskuju alimpijskuju zbornuju pa spartyŭnaj himnastycy da 1990-ch hadoŭ.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary