Praz hetuju chvarobu kiraŭnik PVK «Vahnier» viadzie zdarovy ład žyćcia i vykonvaje strohuju dyjetu. Tolki raz bačyli, jak jon vypiŭ šklanku limanadu.
Pra toje, što Jaŭhien Pryhožyn pieranios ankałahičnaje zachvorvańnie «Prajektu» raskazali dva jaho supracoŭniki, jakija niepasredna razmaŭlali ź im u apošnija hady. Abodva surazmoŭcy śćviardžajuć, što havorka idzie pra rak brušnoj vobłaści.
Kiraŭnik PVK «Vahnier» lačyŭsia ad raku doŭhi čas i prachodziŭ surjoznuju terapiju, jak kaža adzin z surazmoŭcaŭ.
Pavodle jaho słoŭ, ciapier «praces utvareńnia puchliny niby spynieny». Praz hetuju chvarobu kiraŭnik PVK «Vahnier» viadzie zdarovy ład žyćcia i vykonvaje strohuju dyjetu. Adzin z šmathadovych supracoŭnikaŭ Pryhožyna kaža, što za apošni čas tolki adnojčy bačyŭ, jak toj dazvoliŭ sabie vypić šklanku limanadu.
Na karyść taho, što Pryhožyn pieražyvaje z-za stanu zdaroŭja, — vyjaŭleny ŭ jaho zaharadnym domie staranna ekipiravany miedycynski kabiniet.
Paśla pačatku buntu siłaviki pravodzili pieratrus pa miescy pražyvańnia Pryhožyna, a prakramloŭskija miedyja vykłali fatahrafii śledčych dziejańniaŭ. Na adnoj ź ich byŭ pakoj z reanimacyjnym łožkam, aparatam dla štučnaj vientylacyi lohkich i kisłarodnym kancentrataram.
Akramia hetaha, viadoma, što Pryhožyn lačyŭsia ŭ elitnaj klinicy «Sahaz» (u jaje jość ahulnyja prajekty z dačkoj Pucina Maryjaj Varancovaj) i byŭ adnym ź jaje pieršych klijentaŭ sa statusam «supier VIP». Prynamsi, u śpisie VIP-klijentaŭ kliniki žurnalisty raniej vyjavili niejkaha Dźmitryja Isakaviča Hiejlera. Pry pieratrusach u Pryhožyna siłaviki vyjavili pašpart na imia hetaha čałavieka, ale z fatahrafijaj miaciežnika.
Znajomyja Pryhožyna nie vyklučajuć, što prablemy sa zdaroŭjem mahli paŭpłyvać na jaho rašeńnie pačać miaciež. «Heta čałaviek z vyrazanym straŭnikam i kiškami!» — kaža adzin ź jaho znajomych.
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary