Eduardu Babaryku nie zaličyli ŭ ahulny termin paŭtara hoda ŭtrymańnia pad vartaj
Jak stała viadoma pravaabaroncam «Viasny», u termin nie zaličyli čas utrymańnia ŭ SIZA KDB da 14 śniežnia 2021 hoda.
![](http://d3kcf2pe5t7rrb.cloudfront.net/img/w840d4webp1/photos/z_2023_07/000022_3b6a9e78654f140f432589e300425edf_560329-h38fn.jpg.webp)
Jakraz tady Eduard staŭ padazravanym pa novaj kryminalnaj spravie, pa jakoj jaho siońnia asudzili. Da hetaha jaho ŭtrymlivali maksimalnyja 18 miesiacaŭ pavodle č. 2 art. 243 KK («Uchileńnie ad vypłaty padatkaŭ i zboraŭ, što paciahnuła pryčynieńnie škody ŭ asabliva bujnym pamiery»).
Akramia hetaha, č. 1 art. 293 (arhanizacyja masavych biesparadkaŭ) na sudzie pierakvalifikavali na č. 1 art. 342 Kryminalnaha kodeksa (arhanizacyja dziejańniaŭ, jakija hruba parušajuć hramadski paradak).
Siońnia sudździa Minskaha abłasnoha suda Uładzimir Areška prysudziŭ Eduarda Babaryku da 8 hadoŭ źniavoleńnia va ŭmovach uzmocnienaha režymu. Prakuror Alaksandr Karol prasiŭ 10 hadoŭ.
Kamientary