Fakultatyŭ ab duchoŭna-maralnaj kultury ŭvodziać u škołach Biełarusi. Jon raspracavany sumiesna z Pravasłaŭnaj carkvoj
Fakultatyŭnyja zaniatki nazyvajucca «Asnovy duchoŭna-maralnaj kultury i patryjatyzmu» i raźličany na vučniaŭ 8-ch ci 9-ch kłasaŭ.
Ministerstva adukacyi Biełarusi zaćvierdziła vučebnuju prahramu novaha fakultatyva, heta praduhledžana pastanovaj №103 ad 12 žniŭnia, jakaja aficyjna apublikavana na Nacyjanalnym pravavym internet-partale, piša «Sputnik».
Vučebnaja prahrama fakultatyŭnych zaniatkaŭ była raspracavana »ŭ adpaviednaści z pahadnieńniem ab supracoŭnictvie pamiž Respublikaj Biełaruś i Biełaruskaj Pravasłaŭnaj Carkvoj».
Vučebnaja prahrama składajecca z 35 hadzin, zaniatki buduć pravodzicca adzin raz na tydzień.
Miarkujecca, što šeść hadzin budzie pryśviečana takoj temie, jak «Ścipłaść, pakora, łahodnaść», jašče šeść — «Miłasernaść, spačuvańnie», piać hadzin adviedziena na temu «Dabrynia», pa čatyry hadziny — na «Sumlennaść, praŭdalubstva» i «Sumleńnie, raskajańnie».
Šeść hadzin adviaduć na temu «Słužeńnie, mužnaść, honar i jašče čatyry — na «Duchoŭnaje krajaznaŭstva. Šanavańnie śviatych i śviatyń rodnaj ziamli. Zachavańnie i prymnažeńnie duchoŭnaj spadčyny jak vyraz lubovi da Radzimy».
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary
Artykuł 31. (źniaviečanaj łukašystami dziejnaj ciapier u Biełarusi kanstytucyi):
Kožny maje prava samastojna vyznačać svaje adnosiny da relihii, asabista abo sumiesna ź inšymi vyznavać lubuju relihiju abo nie vyznavać nijakaj, vykazvać i raspaŭsiudžvać pierakanańni, źviazanyja z adnosinami da relihii, udzielničać u adpraŭleńni relihijnych kultaŭ, rytuałaŭ, abradaŭ, nie zabaronienych zakonam.
Jakoj trascy va ŭstanovach ahulnaj adukacyi niejkaj adnoj relihijnaj arhanizacyi nadajucca pieravahi ŭ raspaŭsiudzie svaich pohladaŭ?