Biełaruskaja prafiesarka prapanavała školnikam, asabliva małodšym, vučycca stojačy
Dzieciam 7-10 hadoŭ niaprosta pravieści ceły ŭrok, siedziačy za partaj, tamu jany pačynajuć krucicca, adciahvajecca ich uvaha.
U škołach, asabliva pačatkovych kłasach, rekamiendujecca vykarystoŭvać kantorki — vučnioŭskija stały dla pracy stojačy. Pra heta paviedamiła BiełTA prafiesar kafiedry hihijeny i achovy zdaroŭja dziaciej z kursam pavyšeńnia kvalifikacyi i pierapadrychtoŭki BDMU doktar miedycynskich navuk Alena Huzik.
Pavodle jaje słoŭ, kantorki dla škoł zakupleny, adnak čaściakom jany vykarystoŭvajucca nie pa pryznačeńni. Razam z tym navukovyja daśledavańni dakazvajuć ich karyść. Dzieciam 7-10 hadoŭ niaprosta pravieści ceły ŭrok, siedziačy za partaj, tamu jany pačynajuć krucicca, adciahvajecca ich uvaha. Tałkovy piedahoh prapanuje takomu dziciaci źmianić vid dziejnaści, naprykład, praviadzie karotkuju fizkultchvilinku abo paprosić ścierci krejdu z doški.
Jak patłumačyła Alena Huzik, niemahčymaść vysiedzieć ceły ŭrok dla maleńkich dziaciej źviazana z asablivaściami niervovaj dziejnaści. Niekatoryja dzieci ŭ pačatkovaj škole nie mohuć znachodzicca ŭ stanoviščy siedziačy bolš za 7—10 chvilin u dzień. Takim školnikam pažadana prapanavać zajmacca nie tolki siedziačy, ale i stojačy.
Zrešty, kantorki možna vykarystoŭvać u pracesie navučańnia i ŭ starejšych kłasach.
Prafiesar kafiedry patłumačyła, što dziakujučy źmienie dziejnaści, mahčymaści pracavać jak siedziačy, tak i stojačy, u vučniaŭ umacoŭvajecca aporna-ruchalny, viestybiularny aparat, mienš prajaŭlena stoma.
Jość daśledavańni, jakija śviedčać ab pavieličeńni žyćciovaj jomistaści lohkich pry aktyŭnym vykarystańni kantorak padčas vučebnych zaniatkaŭ. Dziakujučy miechaničnaj nahruzcy na sustavy nižnich kaniečnaściaŭ, u tym liku stupni, zabiaśpiečvajucca ŭmovy dla ŭmacavańnia ciahlic i źviazkaŭ nižnich kaniečnaściaŭ, što spryjaje farmavańniu sklapieńniaŭ stupni i moža słužyć adnym sa sposabaŭ prafiłaktyki i karekcyi defarmacyj stopaŭ u navučencaŭ.
Pa praviłach kantorka stavicca kala ściany, procilehłaj došcy, abo kala ściany, procilehłaj śviatłu. Kali pastavić jaje ŭ prachodach pamiž partami, možna zakryć naturalnaje śviatło abo abmiežavać prahlad materyjału na došcy dla inšych navučencaŭ.
Vyšynia nad padłohaj piaredniaha kraju stalnicy kantorki, źviernutaj da vučnia, pavinna być 75 sm — dla navučencaŭ rostam 115—130 sm, 85 sm — pry roście 130-145 sm, 95 sm — pry roście 145-160 sm.kut nachiłu stalnicy — 15—17 hradusaŭ.
U adpaviednaści z hihijeničnymi rehłamientami praciahłaść bieśpierapynnaj pracy za kantorkaj nie pavinna pieravyšać 7-10 chvilin dla vučniaŭ 1-4-ch kłasaŭ, 15 chvilin — dla navučencaŭ 5-11-ch (12-ch) kłasaŭ.
Alena Huzik zaŭvažyła, što nie kožny navučeniec moža prastajać za kantorkaj adrazu 7-10 chvilin u pačatkovaj škole i 10-15 chvilin u bolš starejšych kłasach. Tamu, pavodle jaje słoŭ, u kožnym vypadku pavinien być indyvidualny padychod.
Kamientary
Tady navuka centralizavanaja najlepiej pojdzie
... ty moj ...
... ad štanoŭ .
Kaniešnie lepiej i karyśniej dla zdaroŭja kab dzieci strojem chadzili pad čas navučańnia . I dziaržavie pryjemna . Tolki naprykład ŭ Skandynaŭskich vučni nie siadziać i nie stajać pa niekalki hadzin )))
Niaŭžo " biełaruski " prachffiesarr pra heta nikoli nia čuła ?)