Palitviaźniam zabaranili naviedvać biblijateki — svajaki palitviaźniaŭ ź dźviuch kałonij
Jak stała viadoma «Našaj Nivie», u mai palitviaźniam navapołackaj i škłoŭskaj kałonij zabaranili naviedvańnie biblijatek.
Sa škłoŭskaj kałonii (dzie pamior Vitold Ašurak) paviedamili, što hetaja zabarona była ŭviedziena jašče ŭ mai. Viaźni źviazvajuć jaje z žadańniem administracyi minimizavać mahčymaść sustreč palityčnych z roznych atradaŭ.
«U mai administracyja PK-17 uviała zabaronu naviedvańnia biblijateki ŭsimi asudžanymi z 10-m prafulikam («ekstremizm»). Kab palitviaźni nie mahli pierasiakacca i hrupavacca ŭ kałonii», — raskazaŭ surazmoŭca «Našaj Nivy».
Toje ž samaje adbyłosia i ŭ kałonii Navapołacka, dzie raniej znachodziŭsia Viktar Babaryka i dzie, imavierna, ź im zdaryŭsia insult. Pavodle infarmacyi byłoha palitviaźnia Valancina Łabačova, jakuju jon atrymaŭ ad svajakoŭ źniavolenych, zabarona na naviedvańnie biblijateki była tam uviedzienaja taksama ŭ mai.
«Novy načalnik navapołackaj kałonii zabaraniŭ palitźniavolenym udzielničać u spabornictvach i navat chadzić u biblijateku. Heta rasparadžeńnie było addadziena dzieści ŭ kancy maja», — raskazaŭ «Našaj Nivie» Valancin Łabačoŭ.
Akramia taho, u kałonijach Škłova i Navapołacka palitviaźniam abmiažoŭvajuć naviedvańnie sportharadka i carkvy.
U nas pakul niama infarmacyi, ci adbyłosia toje samaje ŭ inšych kałonijach.
«Naša Niva» prosić čytačoŭ — samim abo praź siabroŭ i svajakoŭ, jakija majuć mahčymaść rabić heta biaśpiečna — dasyłać infarmacyju pra situacyju ŭ inšych kałonijach.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Charaktar katavańniaŭ u IČU i kałonijach śviedčyć pra toje, što isnuje centralizavany zahad na ich praviadzieńnie, ale najaŭnaść vyraznych adroźnieńniaŭ miž roznymi kałonijami i SIZA pakazvaje, što situacyja zaležyć i ad asabistaj pazicyi načalnikaŭ ustanoŭ.
U niekatorych IČU palitviaźniaŭ utrymlivajuć va ŭmovach, roŭnych katavańniu. Na Akreścina ŭ kamierach, raźličanych na dvaich-šaściarych čałaviek, sadziać pa 10—25 čałaviek.
U kałonijach palitviaźniaŭ biespadstaŭna źmiaščajuć u ŠIZA, źbivajuć, pazbaŭlajuć pieradač, źniščajuć vychodnuju i ŭvachodnuju karespandencyju, pryznajuć schilnymi da ekstremizmu.
Majuć miesca ździeki pa nacyjanalnaj prykmiecie: biełaruskamoŭnych viaźniaŭ prymušajuć razmaŭlać i pierapisvacca pa-rusku.
Suviazi ź niekatorymi viaźniami niama miesiacami. Tak, pra Mikołu Statkieviča ničoha nie viadoma ŭžo 135 dzion.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinuty bazavyja normy zakonnaści i marali.
«Naša Niva» — bastyjon biełaruščyny
PADTRYMAĆNiavola, vajna i vyhnańnie raskryli ŭ mnohich biełarusach supierzdolnaści
«Što było ŭ turmie, zastajecca ŭ turmie». Viaźni i palitviaźni z «nizkim sacyjalnym statusam»? Što pra heta viadoma
«Kleili litaru Z, a paśla jaje adździrali». Były viazień škłoŭskaj kałonii raskazvaje, jak niaŭdačy rasijan na froncie źmianiali nastroi siłavikoŭ
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary