Adkryłasia pieršaja krama ź sietki, jakuju prezientujuć jak anałah polskaj «Žabki»
Pieršaja krama sietki «Vožyk» adkryłasia ŭ Hrodnie na vulicy Kurčatava, 22. Nieŭzabavie takija abiacajuć adkryć i ŭ inšych haradach Biełarusi.
Jak paviedamlaje ahienctva «Centr žylla», hetyja kramy zadumanyja jak anałahi polskaj sietki Żabka. To-bok ich pryncyp — nievialikija kramki z samymi patrebnymi tavarami pobač z domam.
Pieravažna ŭ «Vožykach» buduć pradavacca charčovyja tavary: stravy chutkaha pryhatavańnia, kansiervy, čaj, kava, małočnyja i miasnyja pradukty, stravy dla hrylu, sneki, napoi, vypiečka, prysmaki i inš. Taksama tut možna budzie vypić kavy, pierakusić, apłacić rachunki, padzaradzić telefon, kupić łatarejny bilet.
Što da cen, to śćviardžajecca, što jany «całkam dastupnyja». Abiacajuć, što ŭ hetych kramach možna budzie znajści tavary sa źnižkaj ad minus 10% da minus 45% i pa fiksavanaj canie.
Novaja sietka naležyć kampanii «Junistar hrup», jakaja taksama vałodaje sietkaj «Siem piatnic» i «Unistore opt&roźnica».
Płanujecca, što «Vožyki» nieŭzabavie źjaviacca ŭ Minsku i Viciebsku, a paśla i va ŭsich abłasnych haradach i rajcentrach.
Jak vyhladaje z apublikavanych fota, u brendavańni novaja krama addaje pieravahu biełaruskaj movie.
«Farmat HC razmyŭsia». Jak zaraz žyvie HC Outleto, jaki chacieŭ skłaści kankurencyju litoŭskamu «Akropalisu»
«Ja stała fanatam sekandaŭ». Što ludzi šukajuć u hetych kramach i kolki hatovyja pakidać tam hrošaj?
«Ekspabieł» jašče niekalki dziesiacihodździaŭ pražyvie». Što ciapier z HC, u jakim niekali adkryŭsia pieršy hipiermarkiet u Biełarusi?
Milicyjant, jaki viadzie kanał viciebskaha HUBAZiKa, vypadkova vydaŭ siabie10
Kamientary