Nachvardziejcu aficyjna vystavili abvinavačańni ŭ źlivie sakretnych dakumientaŭ ZŠA. Jamu pahražaje da 60 hadoŭ pazbaŭleńnia voli
«Nanios vielmi surjoznuju škodu nacyjanalnaj biaśpiecy ZŠA. Raskryŭ vysokasakretnuju infarmacyju ab statusie kanfliktu pamiž Ukrainaj i Rasijaj».
Amierykanski nachvardziejec Džek Tejšejra byŭ aficyjna abvinavačany va ŭčynieńni kryminalnaha złačynstva z-za raskryćcia źmiestu vysokasakretnych vajskovych dakumientaŭ. Pra heta paviedamiła ahienctva Associated Press sa spasyłkaj na Ministerstva justycyi ZŠA.
Abvinavačańni byli vystaŭlenyja pa šaści punktach, kožny ź jakich paasobku ciahnie pakarańnie da 10 hadoŭ pazbaŭleńnia voli. Heta značyć, što ahułam Tejšejra pahražaje da 60 hadoŭ źniavoleńnia.
U vinu nachvardziejcu stavicca raskryćcio źmiestu «vielmi značnych» vajskovych dakumientaŭ amierykanskaj vyviedki, u jakich fihuravała infarmacyja ab statusie rasijska-ŭkrainskaj vajny i niepubličnyja źviestki ab źniešniaj palitycy nie tolki ZŠA, ale i mnohich inšych dziaržaŭ.
«Džek Tejšejra skarystaŭsia svaim dostupam da sakretnaj infarmacyi dla złamysnaha raspaŭsiudžvańnia vielmi značnych raźvieddanych ZŠA ab vajnie va Ukrainie i źniešniaj palitycy zamiežnych krain u pieryjad ź listapada 2022-ha pa krasavik 2023-ha, čym nanios vielmi surjoznuju škodu nacyjanalnaj biaśpiecy Złučanych Štataŭ», — havorycca ŭ abvinavaŭčaj pastanovie.
Akramia praciahłaha źniavoleńnia, chłopcu taksama pahražaje štraf pamieram da 250 tysiač dalaraŭ za pryčynieńnie škody nacyjanalnym intaresam ZŠA.
Nahadajem, što ŭ pačatku krasavika praz sacsietku Discord u internecie stali raspaŭsiudžvacca sakretnyja dakumienty amierykanskaj vyviedki, jakija pralili śviatło na zakryty bok źniešniaj i ŭnutranaj palityki mnohich krain śvietu, u tym liku nieviadomyja raniej suśvietnaj hramadskaści detali vajny va Ukrainie.
U tych dakumientach źmiaščałasia sakretnaja infarmacyja i pra Biełaruś, padrabiaznaści možna pračytać u nastupnych artykułach.
-
Biełaruś dała zbroju PVK «Vahnier», a Kitaj admoviŭ — Financial Times
-
U źlitych sakretnych dakumientach ZŠA tłumačycca dyviersija ŭ Mačuliščach
-
U źlitych dakumientach Pientahona apisanyja paškodžańni samalota ŭ Mačuliščach
-
Turcyja dapamahała Biełarusi i Rasii abychodzić mižnarodnyja sankcyi i abmiarkoŭvała handal zbrojaj z PVK «Vahnier» — BRC
Ułady ZŠA aryštavali 21-hadovaha małodšaha aficera i lotčyka Nacyjanalnaj hvardyi Džeka Tejšejra, jaki ŭ ramkach słužby mieŭ dostup da sakretnaj infarmacyi i źlivaŭ jaje dla taho, kab prademanstravać ludziam svaju značnaść.
Lotčyk, jakoha abvinavačvajuć u publikacyi sakretnych dakumientaŭ Pientahona, mieŭ dalokasiažnyja płany
Tejšejra nie adziny, chto raspaŭsiudžvaŭ sakretnyja dakumienty ZŠA. Hetym taksama zajmaŭsia «Łuka»
Uciečki ź Pientahona: Džeka Tejšejru trojčy papiaredžvali pra jaho praźmiernuju cikavaść da raźviedźviestak. I ničoha nie rabili
Vyjšaŭ na svabodu 76-hadovy Siamion Dobkin, brat zasnavalnika EPAM7
Kamientary