Chapun u Vaŭkavysku: zabirali rabotnikaŭ miascovaha miasakambinata
U pastarunku apynułasia bolš za 15 čałaviek. Niekatorych paśla pravierki telefonaŭ adpuścili.
Pavodle krynic «Našaj Nivy», siłaviki 1 i 2 červienia «adpracoŭvali miascovy miasakambinat». Niekatorych zatrymanych paśla pravierki telefonaŭ adpuścili.
«U telefonach šukali padpiski na «ekstremisckija» telehram-kanały i palityčnyja fota— i videamateryjały. Kolki pakinuli paśla pravierki ludziej na «sutki», nieviadoma», — raskazaŭ žychar Vaŭkavyska.
«Ludziej zabirali na prachadnoj pradpryjemstva, a taksama na aŭtobusnym prypynku», — paviedamiŭ inšy čałaviek.
Na miasakambinacie admovilisia havaryć pra źniavolvańnie rabotnikaŭ.
«My nie ŭpaŭnavažanyja adkazvać na takija pytańni», — adreahavaŭ supracoŭnik administracyi.
Tym časam u adnym z telehram-kanałaŭ siłavikoŭ źjaviłasia videa sa schoplenym žycharom rajcentra — Vasilom Paŭlučeniem. Ci źjaŭlajecca jon supracoŭnikam miasakambinata, nieviadoma.
Jaho znajomyja raskazali, što jon hod tamu viarnuŭsia z-za miažy. Za čas znachodžańnia na radzimie pretenzij da jaho z boku milicyi nie było.
Apošni raz mužčyna byŭ aktyŭnym u sacyjalnych sietkach ranicaj 2 červienia. Imavierna, u hety dzień jaho i schapili.
U milicejskim videa Vasil Paŭlučenia zavučana kaža, što jon źniavoleny za raspaŭsiudžvańnie ŭ internecie «ekstremisckich materyjałaŭ».
U vinu jamu vystaŭlena i toje, što ŭ 2021 hodzie jon nibyta «pačaŭ rehistracyju ŭ čat-bocie płana «Pieramoha», ale da kanca jaje nie davioŭ.
Masavyja palityčnyja represii ŭ Biełarusi praciahvajucca z 2020 hoda. Paśla vybaraŭ ludzi vyjšli na pratesty suprać falsifikacyi ich vynikaŭ i hvałtu siłavikoŭ. Z pačatkam poŭnamaštabnaj vajny va Ukrainie biełarusy zaznali pieraśled za antyvajennyja nastroi. Za 2,5 hoda teroru ŭ krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja bazavyja normy zakonnaści i marali.
«Naša Niva» — bastyjon biełaruščyny
PADTRYMAĆHladzicie taksama:
Staŭ viadomy jašče adzin vypadak śmierci zatrymanaha ŭ RUUS. Jon adbyŭsia dva hady tamu
Katavańnie Uładzimira Hundara praciahvajecca. Jaho znoŭ źmiaścili ŭ karcar
Kamientary