«Jon pakul pamiataje, chto ja». Dačka chvoraha na demiencyju Uilisa z sumam raskazała pra jaho stan
Tałuła padzialiłasia, jak bavić čas z tatam.
Dačka halivudskich akcioraŭ Demi Mur i Brusa Uilisa — Tałuła — raskazała pra stan zdaroŭja baćki, jaki pakutuje na demiencyju.
Dziaŭčyna zhadała, što kali ŭ taty pačali tolki vyjaŭlacca simptomy chvaroby, jany nie źviarnuli na heta ŭvahu. Spačatku dumali, što ŭ jaho prosta paŭstali prablemy sa słycham. Ciapier dačce akciora soramna, bo jany nie adrazu zabili tryvohu, piša TSN.
Ciapier, kali Tałuła pryjazdžaje da taty, to sprabuje zrabić niamała fatahrafij i videa, kab zapomnić jaho enierhičnym i viasiołym.
«Kožny raz, kali ja idu ŭ dom baćki, ja rablu kuču fatahrafij. Ja jak archieołah, jaki šukaje skarby ŭ rečach, na jakija raniej nie źviartaŭ asablivaj uvahi. Usie jaho hałasavyja paviedamleńni zachoŭvajucca na ćviordym dysku. Ja sprabuju zadakumientavać usio, kab heta nahadvała mnie pra jaho, a jamu — pra nas. Na ščaście, demiencyja nie paŭpłyvała na jaho ruchomaść», — padzialiłasia Tałuła.
Dačka Uilisa padzialiłasia, što tata pakul pamiataje, chto jana. Dziaŭčyna nie hublaje nadziei, što akcior zmoža ačuniać.
«Mocny arešak» pakutuje ad samaj składanaj formy demiencyi, jakaja chutka prahresuje i ad jakoj pakul niama lekaŭ.
«Jon dahetul pamiataje, chto ja, i radujecca, kali ja zachodžu ŭ pakoj. Adno z adroźnieńniaŭ pamiž afazijaj i demiencyjaj zaklučajecca ŭ tym, što pieršaje zachvorvańnie ŭpłyvaje na maŭleńnie i matoryku, a druhoje — na stratu pamiaci. Adnak ja vieru ŭ svajho baćku i nie hublaju nadziei na vyzdaraŭleńnie», — dadała Tałuła.
U 2022 hodzie ŭ Brusa Uilisa dyjahnastavali afaziju. Adnak užo ŭ 2023 hodzie vyjaviłasia, što ŭ isnaści halivudski akcior maje adnu z samych składanych formaŭ demiencyi — łobna-skronievuju.
Niadaŭna zorka Halivuda Arnold Švarcenehier padtrymaŭ svajho kalehu. Akcior adznačyŭ, što ŭniosak «Mocnaha areška» ŭ industryju kino nikoli nie budzie zabyty.
Kamientary