Biełaruski raskazali, kolki atrymlivajuć alimientaŭ na dziaciej
Biełaruska ŭ tyktoku pakazała, kolki alimientaŭ dasłaŭ pa pošcie tata jaje dziciaci. Kamientaryi pad rolikam było b karysna pačytać čynoŭnikam, kab zrazumieć, čamu ŭ krainie prablemy z demahrafijaj.
«Heta ja ščaślivaja idu prapivać alimienty na dzicia sa svaimi mužykami», — pažartavała adna z karystalnic tyktoku. U roliku bačna, što jana trymaje ŭ rukach hrašovy pieravod. Suma «šalonaja» — 217 rubloŭ.
Žančyna spytała ŭ padpisčyc: «A na što vy tracicie alimienty pa viersii byłoha i jaho maci?» Za try dni videa nabrała 608 tysiač prahladaŭ i niekalki tysiač kamientaryjaŭ.
Kali b čynoŭniki pačytali adkazy, moža, zrazumieli b, čamu biełaruski nie imknucca naradžać šmat dziaciej.
«Na dvaich płacić 370 i kaža, što ja na mužykoŭ svaich traču i hulanki. Ja, pa jaho mierkavańni, usiudy paśpiavaju, a na dziaciej času niama. Tata, jaki bačyć dziaciej raz na hod», — padzialiłasia adna kamientatarka.
«A ja za alimienty dom nabyła i ramont zrabiła, bytavuju techniku kupiła (150-200 rubloŭ, i toje nie kožny miesiac)», — pažartavała inšaja.
«A moj užo druhi hod nie płacić, baicca, mabyć, što sapjusia i zhulajusia na jaho alimienty», — taksama ź ironijaj napisała jašče adna žančyna.
«Ja atrymała na dvaich 300. Były muž usim raskazvaje, što ja za alimienty na akijan lataju».
«U mianie 330 apošni miesiac na dvaich. Traču, pa jaho słovach, na manikiur, cyrulniu i žyvu taksama na hetyja hrošy».
Inšyja prykłady byli, ale niašmat. Źjaviŭsia adkazny tata: «Synu 19, byłaja źjechała ad mianie, kali jamu było paŭhoda. Zaŭsiody dapamahaŭ synu i ciapier praciahvaju, na tydni skinuŭ jamu 400 rubloŭ, student 2 kursa BDU ŭžo».
«U mianie płacić ad 500 da 700 na dvaich u zaležnaści ad zarobkaŭ. Pa sudzie. Pytańniaŭ nie było. Dziaciej pry žadańni na vychodnyja daju i da babuli (maci byłoha) jeździać i pa telefonie razmaŭlajuć».
Adna z kamientatarak, starejšaha vieku, napisała: «U majho syna vyličvajuć alimienty ad 500 da 700 biełaruskich rubloŭ (u zaležnaści ad zarobkaŭ), časam byvaje i 800. Jašče zaŭsiody kuplaje dačce ŭsialakija prysmaki, vopratku i inšaje. Ja liču, što tak i maje być». Hety kamientaryj nabraŭ najbolšuju kolkaść łajkaŭ.
U Mahiloŭskaj vobłaści mužčyna spahnaŭ alimienty ź dźviuch svaich dačok
Maci traich dziaciej Durava nazvała Telegram sumiesna nažytaj majomaściu i namiaknuła, što moža padać u sud
Biełarusy bolš nie zmohuć schavacca ŭ Rasii ad alimientaŭ
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Pabačyŭšy vajnu, nie viedaŭ, jak žyć dalej. Manałoh biełaruski, jakaja pieražyła suicyd muža
Kamientary