Navuka i technałohii22

ChatGPT užo lepšy za doktara-čałavieka pa adnym paramietry

Štučny intelekt pakul nie zamienić doktara, ale novaje daśledavańnie pakazała, što ChatGPT pierasiahnuŭ miedykaŭ u płanie kamunikacyi z pacyjentam.

Doctor

Užo padajecca naturalnym, što kiraŭnictva vykarystoŭvaje čat GPT u pierapiscy z supracoŭnikami, a palityki i inšyja vystupoŭcy rychtujuć z dapamohaj štučnaha intelektu pramovy.

Pa dapamohu da čat-bota mohuć źviarnucca i lekary: tak, daśledavańnie, apublikavanaje ŭ kancy krasavika ŭ časopisie Amierykanskaj miedycynskaj asacyjacyi JAMA Internal Medicine, daje pieršaje ŭjaŭleńnie ab roli, jakuju štučny intelekt moža adyhryvać u miedycynie.

Daśledčyki z šerahu amierykanskich VNU, uklučajučy Kalifarnijski ŭniviersitet u San-Dyjeha, Kaledž Bryn-Mor i Univiersitet Džona Chopkinsa, paraŭnali piśmovyja adkazy lekaraŭ i adkazy čata GPT na pytańni, źviazanyja sa zdaroŭjem. Pytańni byli ŭziatyja vypadkovym čynam z paviedamleńniaŭ na ahulnadastupnych forumach u sacyjalnych sietkach. Hrupa licenzavanych miedycynskich rabotnikaŭ aceńvała adkazy pa takich paramietrach, jak jakaść vykładzienaj infarmacyi i prajaŭlenaja empatyja.

Apytanyja addali pieravahu adkazam čata GPT u 79% vypadkaŭ, acaniŭšy ich i jak bolš jakasnyja, i jak bolš čułyja.

Naprykład, adkaz čat-bota na pytańnie pra vypadkova prahłynutuju zubačystku pačynajecca tak: «Heta naturalna — turbavacca, kali vy prahłynuli starońni pradmiet, ale małajmavierna, što prahłynutaja zubačystka naniasie vam surjoznuju škodu».

Doktar-čałaviek napisaŭ: «Kali prajšło ad 2 da 6 hadzin, chutčej za ŭsio, jana trapiła ŭ vaš kišečnik».

Štučny intelekt stanie častkaj miedycyny?

Virtualnaja kamunikacyja z pacyjentami i afarmleńnie dakumientacyi — voś niekatoryja patencyjnyja vypadki vykarystańnia hienieratyŭnych moŭnych madelaŭ ŠI ŭ achovie zdaroŭja.

Daśledčyki kažuć, što jany nie pradbačać madelaŭ, jakija zmohuć svabodna adkazvać na pytańni pacyjentaŭ, prynamsi, pakul: štučny intelekt usio jašče moža pamylacca. Akramia taho, čat-boty nie zaŭsiody naležnym čynam uličvajuć sacyjalna-ekanamičny status, rasu, etničnaje pachodžańnie, relihiju, poł, invalidnaść abo seksualnuju aryjentacyju čałavieka.

Adnak miarkujecca, što čat-boty možna budzie vykarystoŭvać dla składańnia adkazaŭ na pytańni pacyjentaŭ, jakija zatym lekary zmohuć redahavać.

Navat heta moža istotna źniać nahruzku z daktaroŭ, jakaja pierasiahnuła ŭsie mahčymyja miery padčas pandemii COVID-19, kali kolkaść paviedamleńniaŭ ad pacyjentaŭ pavialičyłasia šmatkroć. U vyniku mnohija miedrabotniki adčuli na sabie prafiesijnaje vyharańnie.

«Mahčymaści palapšeńnia achovy zdaroŭja z dapamohaj ŠI vielizarnyja, — adznačyŭ Džon Ejers, viadučy aŭtar daśledavańnia, apublikavanaha ŭ JAMA. — Dadatkovaja dapamoha ad štučnaha intelektu — heta budučynia miedycyny».

Čytajcie jašče:

Što takoje ChatGPT i čamu da jaho staviacca nieadnaznačna?

Fienomien Midjourney: čamu hetaja niejrasietka stała miehapapularnaj i jak joj karystacca?

My dazvalajem štučnamu intelektu prymać za nas zanadta šmat rašeńniaŭ — psichołah

Kamientary2

  • Ruprecht
    11.05.2023
    Dumał, čto po počierku.
  • Maksim Dizajnier
    15.05.2023
    Nu da, nu da, primier, koniečno, priekrasnyj. Doktor čietko i po diełu objaśni vsie s vriemiennymi ramkami, dopuskaja variant, čto zubočistka mohła hdie-to zastriať. A čat, kak obkuriennyj torčok  kazał, čto eto žizń, i priedłožił kurnuť jeŝie.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paniadziełak staŭ samym haračym dniom u historyi nazirańniaŭ

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →