U Breście byŭ zatrymany žurnalist Maksim Chlabiec. Ciapier jon na voli. Razam z tym siłaviki paviedamlajuć pra zatrymańni i inšych ludziej. Nahoda — kamientary i reposty, paviedamlaje bresckaja «Viasna».
Blizki da bresckich siłavikoŭ telehram-kanał siońnia apublikavaŭ pakajannaje videa z udziełam čatyroch čałaviek.
Na adnym ź ich — Maksim Chlabiec. Na videa mužčyna kaža, što supracoŭničaŭ z «Bresckaj hazietaj», u 2020 hodzie pisaŭ pra vybary. A zatrymany, pavodle videa, za repost «ekstremisckich materyjałaŭ». Paźniej vyśvietliłasia, što Chlabiec na voli.
Jak stała viadoma pravaabaroncam, praŭładnyja telehram-kanały apublikavali siońnia staroje «pakajalnaje videa» žurnalista.
Taksama ŭ videa pakazvajucca try žychary Bresta i vobłaści. Adzin kaža, što zatrymany za internet-kamientar pra Łukašenku, druhi — za kamientar pra Łukašenku i biełaruskich vajskoŭcaŭ. Treci kaža, što raspaŭsiudziŭ «ekstremisckija materyjały».
Jak vyśvietliła bresckaja «Viasna», adzin z zatrymanych — Uładzimir Kalada ź vioski Alšany Stolinskaha rajona, jaki byŭ zatrymany jašče ŭ siaredzinie sakavika. 24 sakavika adbyŭsia sud za toje, što ŭ «Adnakłaśnikach» pastaviŭ «kłas» publikacyi ad «Aficyjnaja staronka Chartyja 97%». Sudździa Nasienia vynies rašeńnie: štraf pamieram 740 rubloŭ z kanfiskacyjaj telefona.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary