Kudy pajechać pavučycca? Jeŭrapiejskija stypiendyi dla biełarusaŭ
Viadoma, u Jeŭropie biełarusaŭ najpierš čakajuć u EHU — biełaruskim univiersitecie ŭ vyhnańni, jaki pracuje z Vilni. Ale ŭ toj ža čas jość i inšyja niadrennyja jeŭrapiejskija prapanovy. Vydańnie «Sojka» sabrała 9 prahram i stažyrovak pa roznych kirunkach, dzie možna atrymać finansavuju padtrymku i novyja viedy.
Prahrama EU4Belarus — SALT (Support for Advanced Learning and Training)
Prahrama EU4Belarus — SALT (Support for Advanced Learning and Training) — stypiendyjalnaja prahrama Jeŭrasajuza dla biełaruskich studentaŭ, jakija vymušanyja byli pakinuć Biełaruś praz represii abo pahrozu represij (u tym liku ŭ dačynieńni da ich baćkoŭ) i ciapier navučajucca va ŭniviersitetach Litvy, Łatvii, Polščy i Čechii. Prapanujecca štomiesiačnaja padtrymka ŭ pamiery 450 jeŭra na maksimalny termin try hady. Uletku budzie abjaŭleny novy konkurs na atrymańnie stypiendyi, tak što jość mahčymaść uskočyć u pieršy vahon.
«MOST+»
«MOST+» — adna z samych viadomych prahram akademičnaj mabilnaści ŭ našych šyrotach (paśla amal niedastupnaha nam «Erazmusu») ad Instytuta Hiote. Prahrama spryjaje prafiesijnamu abmienu pamiž biełarusami i ich kalehami ź Jeŭrasajuza i achoplivaje nastupnyja śfiery: hramadstva, kultura (u tym liku turyzm i kreatyŭnyja industryi), biznes, niefarmalnaja adukacyja, achova zdaroŭja i ŭstojlivaść. Padavać zajaŭki mohuć usie hramadzianie Biełarusi, jakija pracujuć u adnoj z hetych śfier (to bok užo nie studenty).
U miežach prahramy prapanujucca hranty na pajezdki ŭ krainy ES dla ŭdziełu ŭ stažyroŭkach, kanfierencyjach, forumach i inšych prafiesijnych mierapryjemstvach (zajaŭnik sam vybiraje aktyŭnaść), a taksama dla raspracoŭki biełaruskimi śpiecyjalistami sumiesnych prajektaŭ z kalehami z krain ES. Što jašče važna ŭ našy časy: prahrama prapanuje vizavuju padtrymku.
«MOST+» užo dziejničaje, apošni termin padačy zajavak — 3 červienia 2024 hoda.
Development-Related Postgraduate Courses (EPOS)
Development-Related Postgraduate Courses (EPOS) — posthrad-stypiendyja ad niamieckaj prahramy abmienaŭ DAAD dla hramadzian krain u raźvićci (Biełaruś usio jašče jość u śpisie). Kandydataŭ z prafiesijnym dośviedam nie mienš za dva hady zaprašajuć pavučycca ŭ mahistratury ci aśpirantury ŭ adnym ź niamieckich univiersitetaŭ abo atrymać doktarskuju stupień. Prahrama ŭklučaje padtrymku ad adnaho da troch hadoŭ u pamiery 934 (mahistratura) abo 1200 (aśpirantura) jeŭra štomiesiac. Dedłajny na 2024/25 hod roznyja dla roznych prahram.
Friedrich Ebert Foundation
Friedrich Ebert Foundation — jašče adna stypiendyja ad DAAD, hetym razam — dla najbolš paśpiachovych studentaŭ. Kompleksnaja prahrama sieminaraŭ, jakaja dapamahaje pavysić sacyjalnyja kampietencyi i akademičnyja navyki kandydataŭ. Pamier stypiendyi — 830 (bakałaŭryjat) abo 850 (mahistratura) jeŭra. Dedłajn padačy zajaŭki — štohod da 30 listapada i da 31 traŭnia.
Scholarships for Full-Time Master Degree Studies
Scholarships for Full-Time Master Degree Studies — litoŭski hrant na navučańnie dla tych kandydataŭ ź Biełarusi, jakija skončyli bakałaŭryjat (u luboj krainie) i majuć dazvoł na pražyvańnie ŭ Litvie. Padtrymka ŭklučaje štomiesiačnuju stypiendyju (490 jeŭra) i pakryćcio raschodaŭ na navučańnie ŭ mahistratury. Pryjarytet addajecca tym, chto hatovy vučycca pa-litoŭsku. Sioletni dedłajn — 22 traŭnia.
Program Stypendialny Rządu RP im. K. Kalinowskiego
Program Stypendialny Rządu RP im. K. Kalinowskiego («Prahrama Kalinoŭskaha») — viadomaja ŭsim ałdam padtrymka dla hramadzian Biełarusi, jakija nie majuć hramadzianstva Polščy i karty palaka i jakija ŭ hod zaličeńnia abo ŭ papiarednim hodzie byli adličanyja z VNU pa palityčnych matyvach, a taksama vypusknikoŭ Biełaruskaha humanitarnaha liceja imia Jakuba Kołasa. Konkurs pravodzicca štohod pačynajučy z 2006-ha. U 2023 hodzie zajaŭki prymajuć da 15 traŭnia.
Heinrich-Böll-Stiftung
Heinrich-Böll-Stiftung — stypiendyi dla studentaŭ i daktarantaŭ usich dyscyplin i nacyjanalnaściaŭ va ŭniviersitetach i techničnych kaledžach Hiermanii. Pamier dapamohi — rozny dla roznych prahram (ad 800 da 1350 jeŭra). Zajaŭki prymajuć štohod; najbližejšy dedłajn — 1 vieraśnia.
Estonian Government Scholarship
Estonian Government Scholarship — stypiendyi dla studentaŭ, jakija žadajuć vučycca ŭ estonskaj VNU na ŭzroŭni bakałaŭryjatu, mahistratury i daktarantury. Estonskaja stypiendyjalnaja prahrama padtrymlivaje ŭsie kirunki navučańnia, pryčym jak pa abmienie, tak i dla atrymańnia stupieni. Padtrymka składaje ad 350 (bakałaŭryjat i mahistratura) da 660 (aśpirantura) jeŭra. Apošni termin padačy zajaŭki — štohod da 1 vieraśnia.
BONUS dla kandydataŭ navuk
Imre Kertész Kolleg Jena
Imre Kertész Kolleg Jena (Jenski kaledž im. Imre Kiertesa, Niamieččyna) zaprašaje kandydataŭ na stažyroŭku dla praviadzieńnia samastojnaha daśledavańnia ŭ śfiery historyi, sacyjałohii, antrapałohii, palitałohii, fiłasofii, litaratury, linhvistyki — pa temie, jakaja tyčycca Centralnaj abo Uschodniaj Jeŭropy. Praciahłaść stažyroŭki — ad 3 da 12 miesiacaŭ. Prapanujuć štomiesiačnuju stypiendyju (ad 3000 da 5000 jeŭra), a taksama miesca dla pracy nad daśledavańniem i padtrymku va ŭładkavańni ŭ Jenie. Apošni termin padačy zajaŭki na ŭdzieł u stažyroŭcy ŭ 2023—2024 — 30 krasavika.
«Nielha vyhnać Biełaruś ź EHU». Što kažuć byłyja vypuskniki Jeŭrapiejskaha humanitarnaha ŭniviersiteta pra svajo navučańnie tam
«Za šeść tydniaŭ daviedałasia bolš, čym za piać hadoŭ univiersiteta». Nastaŭnica z Baranavič pajechała pa abmienie ŭ ZŠA i źmianiła žyćcio
Danyja novaha daśledavańnia pa biełarusach u Litvie — niečakanyja vysnovy
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary