Navošta siłaviki vypytvajuć pra telehram-akaŭnty biełarusaŭ, navat tych, chto za miažoj?
Niadaŭna śpiavačka Marharyta Laŭčuk paviedamlała, što da jaje baćkoŭ znoŭ prychodzili siłaviki i chacieli daviedacca jaje kantakt u telehramie. Ale navošta moh spatrebicca akaŭnt? Ci možna ŭzłamać jaho, viedajučy niknejm?
Raskazvajem, što moža davać siłavikam viedańnie kantakta ŭ telehramie.
![](http://d3kcf2pe5t7rrb.cloudfront.net/img/w732d4webp1/photos/stock/img_5465-x62vp.jpg.webp)
Mahčymaść pahražać i šantažavać
Najpierš heta mahčymaść pramoha kantaktu ŭ miesiendžary. Kali, naprykład, ad imia blizkaha čałavieka, da jakoha pryjšli ź pieratrusam, stanuć pisać siłaviki, heta moža być adnym ź mietadaŭ cisku.
«Prahon» pa bazach MUS
Hetyja bazy farmavalisia ŭ asnoŭnym praz bazu biełaruskich telefonaŭ u Telegram i paśla zatrymańniaŭ inšych ludziej. Taksama ŭ joj utrymlivajucca paviedamleńni ź viadomych siłavikam miascovych čataŭ, što moža pahražać zaviadzieńniem novych kryminalnych spraŭ.
Pošuk pa adkrytych źviestkach
Časta čałaviek sa svajho niepubličnaha akaŭnta ŭstupaje ŭ roznyja łakalnyja čaty abo piša ŭ čatach niejkich inicyjatyŭ. Viedańnie akaŭnta moža dazvolić «łakalizavać» čałavieka: to-bok zrazumieć, dzie prykładna jon žyvie i kudy jeździŭ u roznyja časy.
Sproby ŭzłomu mahčymyja?
Viedajučy tolki imia karystalnika abo ID, uzłamać akaŭnt u telehramie niemahčyma. Kali vaš akaŭnt na biełaruskaj sim-karcie i ŭ vas staić dvuchfaktarnaja aŭtentyfikacyja, to ŭzłamać vas u siłavikoŭ taksama nie atrymajecca, ale jany mohuć prosta «skinuć» vaš akaŭnt — vydalić jaho biez vašaha viedama.
Jašče siłaviki mohuć skinuć fišynhavuju spasyłku i z dapamohaj sacyjalnaj inžynieryi zmusić vas addać im svoj akaŭnt — niadaŭna ŭ padobnaj situacyi akazaŭsia jutub-kanał błohiera Andreja Pavuka. Inicyjatyva CyberBeaver niadaŭna taksama paviedamiła pra toje, što pačaścilisia sproby ŭzłomu telehram-akaŭntaŭ šlacham fišynhavych atak, i apisała ich miechanizm.
Jak ad hetaha abaranicca?
— Pieraniasicie svoj akaŭnt na zamiežny numar. Pa-pieršaje, tak vy nie zhubicie akaŭnt, kali zhubicie biełaruskuju sim-kartu. Pa-druhoje, niemahčyma budzie ŭzłamać akaŭnt praz kradziež SMS dla ŭvachodu ŭ akaŭnt, jaki prychodzić na vaš biełaruski numar.
— Niezaležna ad taho, za miažoj vy ci nie, naładźcie dvuchfaktarnuju aŭtentyfikacyju akaŭnta i schavajcie numar telefona, a kali dadajacie ludziej u kantakty, to nie «adkryvajcie» im numar. Taksama možna abmiežavać tych, chto vam moža telefanavać. Heta dapamoža abaranić vaš akaŭnt, kali vas pasprabujuć uzłamać.
— Nie adkazvajcie na dziŭnyja paviedamleńni, jakija prosiać vašyja danyja. Nielha ŭvodzić danyja svajho akaŭnta nidzie, akramia ŭłasna klijentaŭ u resursach Telegram — miesiendžar nie prosić dadatkovych uvachodaŭ, kali vy ŭžo załahinienyja.
— «Kibierpartyzany» rajać ustalavać «partyzanski telehram» i mieć dva akaŭnty — adzin dla «aktyvisckaha» žyćcia, a inšy — «čysty». Z «čystaha» akaŭnta lepš stasavacca z «niepalityčnymi» znajomymi i svajakami.
Pry padrychtoŭcy hetaha materyjału nam dapamahli pradstaŭniki «Kibierpartyzanaŭ» i inicyjatyvy CyberBeaver, jakaja biaspłatna kansultuje biełarusaŭ pa pytańniach ličbavaj biaśpieki.
«Naša Niva» — bastyjon biełaruščyny
PADTRYMAĆ
Kamientary