Aktrysa pamierła siońnia, 12 vieraśnia. Joj było 77 hadoŭ. Pra heta ŭ sacyjalnych sietkach napisali jaje siabry, piša «Lusterka».
Halina Dziahileva naradziłasia ŭ 1947 hodzie. Viadomaja jak stvaralnica teatra «Źnič». Hety kalektyŭ źjaviŭsia ŭ 1989-m, svoj pieršy śpiektakl pakazaŭ praz hod u Połacku. Dziahileva 17 hadoŭ (1968—1985) pracavała ŭ viciebskim teatry imia Jakuba Kołasa, paśla čaho pierajšła ŭ kancertna-lekcyjny adździeł Biełdziaržfiłarmonii. Faktyčna mienavita ŭ hetym adździele i pačałasia praca pa stvareńni novaha kalektyvu.
Svajoj placoŭki «Źnič» nie mieŭ. Vystupaŭ u Nacyjanalnaj biblijatecy, na małoj scenie Kupałaŭskaha teatra, u Teatry junaha hledača i inšych miescach. U kancy dzievianostych hadoŭ u «Źniča» źjaviłasia svaja teatralnaja zała ŭ Čyrvonym kaściole.
Matoram u dziejnaści kalektyvu była mienavita Dziahileva, jakaja stała aŭtaram inscenirovak, vykanaŭcam i režysioram monaśpiektaklaŭ pa tvorach Janki Kupały, Vasila Vitki, Niła Hileviča i inšych biełaruskich piśmieńnikaŭ. Śpiektakli hetaha teatra pakazvalisia na fiestyvalach jak u Biełarusi, tak i za miažoj.
U lutym 2023 hoda Dziahilevu adpravili na piensiju, jaje kalektyŭ spyniŭ isnavańnie.
Raźvitańnie z Halinaj Dziahilevaj adbudziecca zaŭtra, 13 vieraśnia a 11 hadzinie ŭ krematoryi na staličnych Paŭnočnych mohiłkach.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»31
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary