Efiektyŭnaść baraćby z rasijskimi bieśpiłotnikami-kamikadze šlacham zastasavańnia supraćdronavaj strelby acaniŭ ukrainski vajskovy ekśpiert Aleh Ždanaŭ.
![](http://d3kcf2pe5t7rrb.cloudfront.net/img/w840d4webp1/photos/z_2023_03/-3b3fo.jpg.webp)
U svaim videastrymie ekśpiert adznačyŭ, što rasijski bieśpiłotnik «Łancet» adnosicca da dronaŭ-kamikadzie ci baražujučych bojeprapasaŭ. Jon zdolny praciahły čas u režymie čakańnia znachodzicca ŭ pavietry.
«Łancet» raźličany na blizki radyus dziejańnia i maje zvarotnuju suviaź z apierataram. Apieratar naziraje i vybiraje abjekt. Jość mahčymaść pieravieści dron całkam u aŭtamatyčny režym. U takim vypadku čałaviek nie ŭdzielničaje ŭ pryniaćci faktyčnaha rašeńnia ab napadzieńni. Aparat vybiraje cel sam.
Prymianieńnie antydronavaj strelby (pieranosnaj ustanoŭki antyelektronnaj baraćby) moža być efiektyŭnym tolki ŭ toj pieryjad, pakul apieratar źviazvajecca z dronam. Vynikam stanie «aślapleńnie» ci «ahłušeńnie» drona i jon prosta moža zvalicca na ziamlu.
Kamientary