Hramadstva1010

«Jeŭrapiejskija pamknieńni biełarusaŭ pavinny być padtrymanyja». Cichanoŭskaja zaklikała Jeŭropu pryniać u dačynieńni da Biełarusi padvojnuju stratehiju

Śviatłana Cichanoŭskaja zaklikała padtrymać jeŭrapiejskija pamknieńni biełarusaŭ i pryniać padvojnuju stratehiju ŭ dačynieńni da Biełarusi. Heta prahučała padčas panelnaj dyskusii Centra jeŭrapiejskich palityčnych daśledavańniaŭ u Brusieli, piša Reform.by.

«Da 2020 hoda biełarusy byli lidarami pa kolkaści vydadzienych šenhienskich viz na dušu nasielnictva. Biełarusy vučylisia ŭ jeŭrapiejskich univiersitetach, naładžvali suviazi i bačyli, jakim moža być ich žyćcio. Heta pryviało da niezvarotnych źmien u biełaruskim hramadstvie. Jeŭrapiejskija pamknieńni biełarusaŭ pavinny być padtrymanyja. Biełarusy pavinny bačyć, što ŭ Jeŭropie ich čakajuć i navat vitajuć. Biełarusy pavinny bačyć, što Jeŭropa adroźnivaje režym ad naroda, a biełarusaŭ ad rasijan.

Jeŭropa pavinna pryniać dvuchbakovuju stratehiju ŭ dačynieńni da Biełarusi. Z adnaho boku, trymać dźviery adčynienymi dla biełarusaŭ: padtrymlivać hramadzianskuju supolnaść, vydavać vizy i prymać biežancaŭ. A ź inšaha boku, izalavać usich, chto staić na baku režymu i padtrymlivaje vajnu», — prapanavała Cichanoŭskaja.

Na jaje dumku, sankcyi mohuć pazbavić Biełaruś resursaŭ, asłabić Rasiju i dapamahčy ŭ vyzvaleńni palitviaźniaŭ.

«My nie pavinny dazvalać dyktataram, jakija ŭciahnuli nas u ciomnaje minułaje, šantažavać abo pałochać nas budučyniaj.

Jeŭrapiejskija abaviazacielstvy pa padtrymcy pierachodu Biełarusi da demakratyi byli b efiektyŭnym adkazam. Heta nadaść ludziam upeŭnienaści.

Režym Łukašenki značna bolš uraźlivy, čym moža zdacca. Jon padobny da kresła z tryma nožkami. Jon abapirajecca na represii, hrošy i padtrymku Kramla. Vybicie adnu ź ich — i jon abryniecca.

Ja viedaju, što sankcyi — heta nie srebnaja kula. Ale sankcyi mohuć dapamahčy złamać nohi režymu: pazbavić jaho resursaŭ i asłabić Rasiju.

Sankcyi mohuć dapamahčy vyzvalić z turmaŭ našych palityčnych źniavolenych, ale dla hetaha patrebny pracazdolny miechanizm i prymusovaje vykanańnie.

Pakul režym zdolny ŭchilacca ad ich, sankcyi nie buduć mieć nijakaha efiektu», — padkreśliła Cichanoŭskaja.

«Praz 40 hadoŭ ja mahu ŭjavić sabie mocnuju, abjadnanuju i kvitniejučuju Jeŭropu, krynicu stabilnaści i miru na našaj płaniecie.

Heta taja Jeŭropa, pra jakuju my marym. I Biełaruś pavinna być častkaj hetaj Jeŭropy, kab my mahli vyžyć. Intelektualny kapitał i jarki tvorčy patencyjał biełaruskaha naroda, a taksama jaho maralnaja siła stanuć važnym układam u budaŭnictva našaha ahulnaha jeŭrapiejskaha doma.

Kab uvasobić hetuju jeŭrapiejskuju maru ŭ žyćcio zaŭtra, my pavinny dziejničać śmieła siońnia», — zajaviła Śviatłana Cichanoŭskaja.

Kamientary10

  • NVAV
    01.03.2023
    iźvinitie, čto j a, zdryśni, hebniuk.
  • Praŭdarub
    02.03.2023
    Vielmi razumnaja i ŭzvažanaja prapanova. Na žal u Jeŭropie nie ŭsie razumiejuć, što treba varazna adzialać biełarusaŭ ad režymu i spynić palityku nakiravanuju na toje, kab prostym biełarusam było jak maha ciažej patrapić u ES
  • SHOS
    02.03.2023
    Vot čto intieriesno. Kohda pozdno, to hebje užie śpit. Količiestvo tupych kommientov striemitsia k nulu. Ot tupyje žie))) vsie spať chotiat. Dažie łukašisty

Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5

Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni

Usie naviny →
Usie naviny

Roŭna 25 hadoŭ tamu biasśledna źnikli Viktar Hančar i Anatol Krasoŭski3

Učorašniuju stralbu ŭ Fłarydzie kvalifikavali jak zamach na Trampa6

«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami17

Śbierbank: Rasijanie praz telefonnych machlaroŭ pieraviali USU bolš za miljard dalaraŭ10

Kala doma Trampa ŭ Fłarydzie adbyłasia stralanina. Miljarder nie paciarpieŭ4

Tramp: Ja NIENAVIDŽU TEJŁAR ŚVIFT!51

U Baraŭlanach para zaniałasia seksam u skviery. Ciapier u kachankaŭ prablemy z zakonam10

Nazvanyja pieramožcy konkursu astranamičnaj fatahrafii FOTA

Šrajbman patłumačyŭ, navošta katujuć Kaleśnikavu i Babaryku27

bolš čytanych navin
bolš łajkanych navin

Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5

Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni

Hałoŭnaje
Usie naviny →