Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni
Pra piać pamiłavanych palitviaźniaŭ łukašysty hetym razam daručyli paviedamić Ramanu Pratasieviču.
Proźviščy vyzvalenych palitviaźniaŭ:
1. Alaksandr Fikaŭ. Jamu 44 hady, kandydat techničnych navuk, dacent. Aryštavany zimoj 2023 hoda za danaty. Asudžany 20 červienia 2023 hoda pa art. 361-2 KK («finansavańnie dziejnaści ekstremisckaha farmavańnia») na 3 hady pazbaŭleńnia voli ŭ kałonii ahulnaha režymu.
2. Taćciana Birula. Žančynie 42 hady, jana z Salihorska. Była zatrymanaja 13 śniežnia 2021 hoda za raspaŭsiud pratesnych haziet, paśla joj vystavili abvinavačańni adrazu pa piaci artykułach Kryminalnaha kodeksa. 12 śniežnia 2022 hoda sudździa Alena Miśnik pryznała Taćcianu vinavataj i pryznačyła joj šeść hadoŭ źniavoleńnia ŭ kałonii va ŭmovach ahulnaha režymu. Naprykancy zimy 2024 hoda stała viadoma, što na Taćcianu zaviali novuju kryminalnuju spravu.
3. Anžeła Sikorskaja. Žančynie 50 hadoŭ, jana ź Minska. Była zatrymanaja 15 červienia 2023 hoda, abvinavačvałasia ŭ abrazie Łukašenki i inšych słužbovych asob, a taksama pahrozach na ich adras. 6 vieraśnia 2023 hoda sudździa suda Maskoŭskaha rajona Minska Siarhiej Kacer pryznačyŭ Anžele 4 hady kałonii ahulnaha režymu.
4. Michaił Korzun. Mužčynu 33 hady, zatrymali jaho 10 studzienia 2022 hoda. Abvinavačvaŭsia ŭ raspalvańni sacyjalnaj varožaści (art. 130 Kryminalnaha kodeksa). Sudździa Bresckaha abłasnoha suda Kaciaryna Hruda ŭ kastryčniku 2022 hoda asudziła jaho na 4 hady pazbaŭleńnia voli va ŭmovach ahulnaha režymu.
5. Kaciaryna Džyh. Joj 53 hady, zatrymanaja za kamientary ŭ sacsietkach 8 červienia 2023 hoda. Sudzili jaje pa troch kryminalnych artykułach za abrazu i paklop na Łukašenku i «zakliki da dziejańniaŭ, skiravanych na pryčynieńnie škody nacyjanalnaj biaśpiecy». U Kaciaryny 4 dziaciej, adzin ź ich niepaŭnaletnich, starejšaja dačka ź invalidnaściu 2 hrupy. 26 i 27 lipienia 2023 hoda ŭ Minskim abłasnym sudzie spravu razhledzieła sudździa Alena Bačyšča, prysud — 4 hady pazbaŭleńnia voli ŭ kałonii ahulnaha režymu.
Usiaho, jak paviedamlałasia, Łukašenka svaim siońniašnim ukazam pamiłavaŭ 37 čałaviek.
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary