Novy pikiet la polskaha konsulstva — pad vidam «niezadavolenych palakaŭ» sahnali biudžetnikaŭ i BRSM. Voś chto na fota
Čarhovaja akcyja suprać zakryćcia miežaŭ prajšła kala Hienkonsulstva Polščy ŭ Hrodnie. BiełTA piša, što arhanizavaŭ pikiet Sajuz palakaŭ u Biełarusi. Ale ci byli tam palaki? Razhledzieli fota.
Na kałažy źvierchu — pažyłyja ludzi, što pryjšli na akcyju, chutčej za ŭsio — z sajuza vieteranaŭ abo KPB. Hetym razam ich mieniej, čym na minułym pikiecie, ale jany stajać z absalutna identyčnym płakatam u tym ža miescy.
Pryjšli i beeresemaŭcy razam z pradstaŭnikami «Biełaj Rusi» — hetym razam ich mieniej i na pieršym płanie inšyja ludzi. Na hetym fota taksama sakratar haradzienskaha BRSM Uładzisłaŭ Mandzik, a adrazu za im — štatnaja aktyvistka BRSM Jana Mazavieckaja. Jany byli i na pikiecie 13 lutaha, i na papiarednich.
Astatnija ŭ šerahu — taksama aktyvisty BRSM i prafkamaŭ univiersitetaŭ, tolki mienš miedyjnyja. Da prykładu, u centry kałony z čyrvona-zialonym ściaham staić aktyvist prafkama Hrodzienskaha dziaržaŭnaha ŭniviersiteta 20-hadovy Andrej Majstroŭ (na druhim fota jon u sinim spartovym kaściumie).
Kala jaho stajaŭ i z usich sił «nie addavaŭ Biełaruś» jahony «tavaryš» pa niaščaści Anton Vaškievič.
A voś kiraŭnica haradzienskaj «Biełaj Rusi» Śviatłana Varanica z płakatam ź minułaha pikieta.
Zaśviaciłasia Iryna Hałajda, staršynia kamisii pa pracy z moładździu Savieta vieteranaŭ Kastryčnickaha rajona horada Hrodna. Jana časta chodzić na takija pikiety.
Hetyja dźvie aktyvistki «Biełaj Rusi» na pieršym płanie taksama byli na minułym pikiecie.
Ad hrodzienskaha Sajuza palakaŭ vystupaje adzin pažyły mužčyna — 67-hadovy Kazimir Znajdzinski, jaki ŭznačalvaje hrodzienski filijał praŭładnaj častki Sajuza palakaŭ z 2007 hoda.
Znajdzinski — niekali viadomy futbalist i druhi ŭ historyi arbitr FIFA ź Biełarusi, jaki ciapier uznačalvaje Hrodzienskuju spartyŭnuju dziciača-junackuju škołu alimpijskaha reziervu №1. Jahonaja hałoŭnaja pretenzija — jamu budzie bolš składana jeździć na mohiłki da svajakoŭ.
Ahułam hetym razam pikiet atrymaŭsia mienšy pa kolkaści ŭdzielnikaŭ. Nieviadoma, kolki ŭ im paŭdzielničała sapraŭdnych palakaŭ, ale, kali mierkavać pa fota ź dziaržSMI, heta ličanyja ludzi.
«Naša Niva» — bastyjon biełaruščyny
PADTRYMAĆPryvieźli navat beerseemaŭca z Zelvy. Chto pikietavaŭ učora pad polskim hienkonsulstvam u Hrodnie
Hajdukievič uziaŭ novy ŭzrovień chamstva — prapanavaŭ znajści žančyn, jakija aceniać, ci jaho člen byŭ na dykpiku33
Kamientary