Śviet55

Łatvija pavialičyć vydatki na abaronu: kraina zakupić ustanoŭki HIMARS i marskija rakiety

Ministr abarony Łatvii Inara Murnijecie skazała, što vajskovyja vydatki krainy mohuć dasiahnuć 3% ad jaje vałavoha ŭnutranaha praduktu raniej, čym płanavałasia. Heta źviazana z tym, što ŭviesnu ministr maje namier padpisać kantrakty na zakup supraćkarabielnych kompleksaŭ Naval Strike Missile i šaści ŭstanovak HIMARS, paviedamlaje DefenseNews.

Vysokamabilnaja artyleryjskaja rakietnaja sistema (HIMARS), zadziejničanaja padčas vajennych vučeńniaŭ u aeraporcie Śpiłvie ŭ Ryzie (Łatvija), 26 vieraśnia 2022 hoda. Fota: Raman Kaksaraŭ / AP Photo

Murnijecie zajaviła na pasiadžeńni parłamienckaha Kamiteta pa abaronie, unutranych spravach i praduchileńni karupcyi, što ŭ jaje ministerstvie realizujucca try prahramy, jakija treba paskoryć dla ŭmacavańnia abaranazdolnaści Łatvii. «Da ich adnosiacca bierahavaja abarona ad karabloŭ praciŭnika, artyleryjskija sistemy i sistemy SPA siaredniaj dalokaści», — cytuje słovy čynoŭnicy miascovaje infarmacyjnaje ahienctva LETA.

«Čakajecca, što my dasiahniom [raschodaŭ na abaronu] 3% VUP da 2027 hoda, ale z hetymi prajektami, jakija chutka raźvivajucca, ja dumaju, my dasiahniom 3% VUP raniej za 2027 hod», — skazała Murnijecie.

Try prybałtyjskija dziaržavy paskoryli svaje prahramy nabyćcia rakiet i artyleryi ŭ adkaz na navuku, atrymanuju z rasijskaha ŭvarvańnia va Ukrainu. Kali Łatvija zamović zbroju HIMARS, jana stanie treciaj bałtyjskaj krainaj, jakaja budzie vykarystoŭvać mabilnyja rakietnyja ŭstanoŭki vialikaj dalokaści. Letaś u śniežni Estonija padpisała pahadnieńnie sa Złučanymi Štatami ab zakupcy šaści adzinak takoj zbroi, a ŭ tym ža miesiacy Litva i ŭrad ZŠA padpisali kantrakt na cełych vaśmi adzinak.

Razam try krainy Bałtyi buduć mieć 20 adzinak «Chajmarsaŭ». Ukraina maje kala 50 adzinak, hetaha chapiła, kab źmianić situacyju na froncie.

Naval Strike Missile — heta supraćkarabielnyja rakieta, raspracavanaja amierykanskaj kampanijaj Raytheon i narviežskaj Kongsberg, jakaja lacić nad pavierchniaj mora.

U 2023 hodzie Ryha płanuje vydatkavać prykładna miljard dalaraŭ na svoj abaronny biudžet, ci kala 2,25% VUP Łatvii. Heta bolš, čym u minułyja hady vydzialała Biełaruś, u jakoj pryjarytetam było finansavańnie śpiecsłužbaŭ i śpiecnaza, a nie vojska.

Adnačasova Łatvija prasoŭvaje prajekt pa adnaŭleńni abaviazkovaj voinskaj pavinnaści paśla spynieńnia pryzyvu ŭ 2007 hodzie, i adpaviedny zakonaprajekt čakaje hałasavańnia ŭ parłamiencie. Sioleta nacyjanalnyja Uzbrojenyja siły Łatvii nabiaruć pieršuju hrupu dobraachvotnikaŭ, a ŭ 2027 hodzie ŭsie hramadzianie mužčynskaha połu ad 18 da 27 hadoŭ pavinny buduć vybrać adnu z dastupnych form vajskovaj słužby.

«Hramadzianin Łatvii pavinien budzie adsłužyć adzin hod, u jaki taksama ŭvachodzić miesiac adpačynku. Navabrancy projduć trochmiesiačnuju bazavuju padrychtoŭku i trochmiesiačny kurs śpiecyjalizacyi, a astatnija piać miesiacaŭ buduć pryśviečany intehracyi ŭ padraździaleńni i kalektyŭnaj padrychtoŭcy», — havorycca ŭ zajavie Minabarony.

Urad krainy stavić za metu ŭ 2027 hodzie «davieści dolu bajazdolnaha nasielnictva Łatvii… da 50 000 čałaviek». Ź ich 14 tysiač vajskoŭcaŭ buduć u čaściach dziejučaj słužby, 16 tysiač — u Nacyjanalnaj hvardyi i 20 tysiač — u reziervie, paviedamlaje ministerstva.

Kamientary5

  • Kavun
    16.02.2023
    Ennot, a był li ty v toj Łatvii, ili tolko sudiš po rasskazam bt? A zaŝiŝaťsia budut ot nieadiekvatnych sovkovo-impierskich riežimov i takich kołchoźnikov kak ty
  • Rajmond Vajkule
    16.02.2023
    Lesa nie chvatit priatatsia.
  • Ennot
    17.02.2023
    Kavun, u mienia odna iz lubovnic s zapadienŝiny łatvijskoj,tam popriličniej,
    a v Łathalii tak voobŝie chatyń .
    Tak čto Chimarsy eti opłatiat za sčiet piensov i tiech žie kołchoźnikov .
    Pryžok tihra zakončiłsia let 10 kak, vsie lizinhovyje poršaki i bumiery uvieźli obratno v Hiermaniju, a za nimi i sami łatyši potianuliś.
    Ostavšijesia honiajut v Minsk zuby staviť .
    Amierikosy obieŝali miestnym elitam ,čto vojna oživit ekonomiku…
    No vot problema—eta žie vojna možiet umiertviť časť nasielenija .

Padaje kurs dalara — čamu tak?4

Padaje kurs dalara — čamu tak?

Usie naviny →
Usie naviny

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

bolš čytanych navin
bolš łajkanych navin

Padaje kurs dalara — čamu tak?4

Padaje kurs dalara — čamu tak?

Hałoŭnaje
Usie naviny →