Ekanomika88

Letaś biełarusy ŭ Polščy adkryli amal u 4 razy bolš firm, čym u 2020-m. Čym tam zajmajucca biełaruskija biznesoŭcy 

U Polščy dziejničaje kala 5 tysiač biznesaŭ, dzie, prynamsi, adzin z suzasnavalnikaŭ źjaŭlajecca biełarusam. Amal tracina ź ich źjaviłasia ŭ 2022 hodzie.

Imklivy rost z 2021 hoda

Pa danych polskaha Hałoŭnaha centra ekanamičnaj infarmacyi, letaś u Polščy zarehistravali 1745 firm ź biełaruskim kapitałam. U 2021 hodzie takich było 886. U 2020 i 2019 — 469 i 458 adpaviedna. 

Jak pakazvaje statystyka, imklivy rost kolkaści polskich kampanij ź biełaruskimi karaniami pryjšoŭsia na paślavybarnyja 2021 i 2022 hady. Apošnija dva hady pryrost składaŭ pa 90 — 97%.

Najbolšaj papularnaściu siarod biełarusaŭ karystajecca Mazavieckaje vajavodstva (Varšava), na dolu staličnaha rehijona prychodzicca 53,9% firm, na druhim miescy idzie Biełastoččyna z 12,85%, na trecim Lublinščyna — 7,93 %.

Čym biełaruski biznes zajmajecca ŭ Polščy?

Najbolš papularnym vidam dziejnaści siarod biełaruskich biznesmienaŭ u Polščy źjaŭlajucca aŭtamabilnyja pieravozki, u hetaj halinie dziejničaje 885 biełarusich kampanij z 4980. U 2021 hodzie takich było 473. Imklivamu rostu kolkaści transpartnych kampanij ź biełaruskimi karaniami spryjajuć sankcyi. Padrabiaźniej pra masavy rełakiejt biełaruskich transpartnikaŭ u Polšču i Litvu «Naša Niva» pisała raniej. 

Čytajcie padrabiaźniej: Ź Biełarusi masava rełakujucca nie tolki IT-kampanii, ale i transpartnyja

Na druhim miescy zastajucca budaŭničyja kampanii. Takich u Polščy pa stanie na 2022-i pracuje 314, u paraŭnańni z 2021 hoda pryrost nie taki zaŭvažny — plus 65 kampanij.

Na trecim miescy idzie dziejnaść, źviazanaja z prahramavańniem, — 296. U IT, jak i ŭ transpartnaj halinie, za 2022 hod byŭ zafiksavany amal dvuchrazovy pryrost — plus 132 za hod.

A jak ź biznesam u Biełarusi?

Paralelna z rostam kolkaści kampanij ź biełaruskim kapitałam za miažoj za apošnija dva hady ŭ Biełarusi nazirajecca skaračeńnie kolkaści IP. Za minuły hod pamienšała na 9 366 pradprymalnikaŭ. Niahledziačy na heta, ułady, pačynajučy z 2022 hoda, praciahvajuć pavialičvać padatkovuju nahruzku na IP i skaračać dla ich ilhoty pa ŭnioskach u FSAN.

Pra zaniapad śfiery IT i hruzapieravozak kaža i aficyjnaja statystyka. Tak, naprykład, za 2022 hod čysty adtok kadraŭ ź IT skłaŭ amal 15 tysiač čałaviek. Pa vynikach minułaha hoda, uniosak IT-siektara ŭ VUP skłaŭ minus 0,2%. Uniosak siektara «transpartnaja dziejnaść, składziravańnie, paštovaja i kurjerskaja dziejnaść» — minus 0,9%. Dla paraŭnańnia jašče ŭ 2021 hodzie IT dadali VUP plus 0,7%, transpartnaja dziejnaść, składziravańnie, paštovaja i kurjerskaja dziejnaść — plus 0,1%.

«Naša Niva» — bastyjon biełaruščyny

PADTRYMAĆ

Čytajcie taksama: Biełaruś stała rezka mienš kuplać abstalavańnia. Jak vajna i sankcyi adbilisia na handli

Kamientary8

  • Anonim iz Varšavy
    30.01.2023
    Kak ja ponimaju tut tolko sp. z o.o. sčitajutsia? Potomu čto po IP ja dumaju namnoho bolšie prirost był, učityvaja čto v ajti śfierie mnohije čieriez B2B kontrakt oformlajutsia v Polšie
  • Palašuk
    30.01.2023
    Urady susiedziaŭ dziakujuć łukašystam za stymulavańnie raźvićcia biźniesu ŭ ichnich krainach i rost padatkovych pastupleńniaŭ. Niadaŭniaja pastanova saŭmina pra zabaronu pryvatnym kampanijam na prodaž akcyj biez uzhadnieńnia dziaržavy - u tuju ž kasu. Usio, što niejak ruchajecca, unieśli. Jany sapraŭdy vierać, što ichni vajenny kamunizm buduć tryvać ludzi, katoryja ŭkładvalisia ŭ spravu 10-30 hadoŭ?) Praściej sapraŭdy pieravieźci piersanał za miažu, asabliva servisnym kampanijam. Chutka ŭsie u Varšavie ci Vilni pabačymsia.
  • Sankcyi zabivajuć nie režym, a narod.
    30.01.2023
    Heta ŭsie viadoma preŭkrasna ale biełarusy ŭ samoj Biełarusi chutka pačnuć padychać z hoładu abo kidacca z mastoŭ ad biez vchodnaści.

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam5

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →